Pavlodardaǵy AP-162/4 koloniiasynyń burynǵy qyzmetkeri Prezident Qasym-Jomart Toqaevqa beineúndeý joldady. Shaǵyn videoda er adam basshylyq qoqan-loqy kórsetip, arnaiy mekemedegi jumysynan ketýge májbúrlegenin aitady. Shaǵym boiynsha tekseris júrgizilip jatqany belgili boldy, - dep habarlaidy Tengrinews.kz tilshisi.
Pavlodar oblysy QAJ departamentiniń AP-162/4 qaýipsizdigi joǵary mekemesi jedel bóliminiń eks-jedel ýákili Tasbolat Jaqaevtyń beineúndeýi Mihail Kozachkovtyń Telegram-arnasynda jariialandy. Videoda politsiia kiimindegi eks-qyzmetker biyl 12 qańtarda saǵat 20.00 shamasynda mekeme bastyǵynyń rejim jáne jedel jumys jónindegi orynbasarynyń buiryǵymen oǵan bólim bastyǵymen birge qara dorba ákelgenin, sodan keiin jumystan ketýge májbúr bolǵanyn aitady. Biraq avtor dorbada ne bolǵanyn naqtylamaidy.
"2022 jyly 14 qańtarda meni departamentke shaqyrdy. Onda departament bastyǵynyń orynbasary qorqytyp, jumystan shyǵý týraly óz erkimmen baianat jazýǵa májbúr etti. Sodan keiin meni jáne jasaq bastyǵyn jumystan shyǵardy", - dedi Jaqaev.
