Ashyq derekkózden
Pavlodar qalasyndaǵy áskeri bólimderdiń birinde atys bolyp, saldarynan bir áskeri qyzmetker qaza taýyp, taǵy bir sarbaz jaraqat aldy, dep habarlaidy Ult.kz.
Ishki ister ministrliginiń málimetine súiensek, aldyn ala aqparat boiynsha kelisimshart negizinde qyzmet atqaratyn áskeri qyzmetshi ózine tabystalǵan qarýdan oq atqan.
«Oqiǵa saldarynan áskeri qyzmetshi oqiǵa ornynda kóz jumyp, taǵy bir áskeri qyzmetker jaraqat alǵan. 2001 jyly týǵan áskeri qyzmetshige meditsinalyq kómek kórsetilýde», – delingen resmi habarlamada.
Qazirgi tańda bul derek boiynsha qylmystyq is tirkelip, sotqa deiingi tergeý amaldary júrgizilýde. Oqiǵanyń barlyq mán-jaiy jan-jaqty anyqtalyp jatyr.
Atalǵan is Áskeri-tergeý departamentiniń erekshe baqylaýyna alynǵan.
Quqyq qorǵaý organdary turǵyndardy tek resmi derekkózderge senýge jáne rastalmaǵan aqparatty taratpaýǵa shaqyrdy.
