Frantsiia prokýratýrasy Telegram negizin qalaýshy Pavel Dýrovtyń ótken senbide Parijde ustalýyna bailanysty baspasóz málimdemesin taratty. Onda Dýrov birqatar qylmys jasady degen kúdikke ilingeni jáne tergeý aiasynda jaýap alynyp jatqany aitylǵan. Bul týraly VVS jazdy.
Parij prokýratýrasy Pavel Dýrovqa taǵylýy múmkin 12 aiypty tizip aitqan, onyń ishinde quzyrly organdarǵa aqparat berýden bas tartý, alaiaqtyq pen esirtki satýǵa qatysynyń bolýy, balalardyń pornografiialyq videolaryn saqtaýǵa, kiberqylmystarǵa, aqsha jylystatýǵa qatysýy jáne t. b. bar.
Prokýratýra 8 shildede ashylǵan isti Kiberqylmyspen kúres ortalyǵy men Ulttyq alaiaqtyqpen kúres basqarmasy (ONAF) tergep jatqanyn aitty.
Dýrovty qamaý merzimi 28 tamyzda aiaqtalady.
"Ustaý merzimin tergeý sýdiasy 25 tamyzda uzartty jáne uiymdasqan qylmysqa qatysty qylmystarǵa qoldanylatyn tártipti eskere otyryp, 96 saǵatqa deiin (iaǵni 28 tamyzǵa deiin) sozylýy múmkin", — delingen habarlamada.
Dúisenbi kúni Frantsiia prezidenti Emmanýel Makron Dýrovtyń ustalýy «saiasi sheshim» emes dep málimdedi.
"Men Pavel Dýrov qamaýǵa alynǵannan keiin Frantsiia týraly jalǵan aqparatty oqyp jatyrmyn. Frantsiia sóz jáne kommýnikatsiia bostandyǵyna, innovatsiia men kásipkerlikke burynǵydan da kóbirek erkindik bergen. Solai bolyp qala beredi", — dep jazdy Makron X áleýmettik jelisinde.
Bul — frantsýz biliginiń senbiden bergi alǵashqy resmi túsiniktemesi boldy.
Dýrovtyń Frantsiiada Le-Býrje áýejaiynda ustalǵany 25 tamyzda belgili boldy. Dýrov senbi kúni Bakýden Frantsiiaǵa jeke ushaqpen ushyp kelgen.
.jpg)