Reseidiń Qarjylyq monitoring jónindegi federaldyq qyzmeti (Rosfinmonitoring) Telegram messendjeriniń negizin qalaýshy Pavel Dýrovty terrorister men ekstremister tizimine engizdi. Onyń esimi vedomstvonyń jańartylǵan tiziminde arnaiy belgimen jariialandy.
«Resei meni Telegram-da jappai baqylaý men tsenzýra engizý týraly talaptaryn oryndamaǵanym úshin "terrorist" dep tanydy. Resei zańnamasyna sáikes, endi maǵan "internette aqparat jariialaýǵa" tyiym salynady. Resei sheneýnikteri internetke kimniń jáne kimge tyiym sala alatynyn shatastyryp alǵan siiaqty», — dep jazdy Dýrov óziniń Telegram-arnasynda.
Jazbasyna Dýrov ekige bólingen sýret tirkegen. Onyń bir jaǵynda ózi «terrorist» degen jazýmen beinelense, ekinshi jaǵynda Reseidiń syrtqy ister ministri Sergei Lavrovtyń aýǵan tálipterimen qol alysyp turǵan sýreti «qurmetti seriktester» degen jazýmen berilgen.
Aita keteiik, tergeý nusqasy boiynsha, Telegram ákimshiligi Reseide diversiialar men terroristik aktilerdi úilestirý úshin sheteldik arnaiy qyzmetter men tyiym salynǵan uiymdar paidalanǵan degen arnalar, chattar jáne bottardy óshirmegen.
