Foto: videodan skrinshot
Qostanai oblystyq aýrýhanasynyń hirýrgi Anton Kistanov patsienttiń shabýylynan keiin aýyr jaǵdaida Astanaǵa sanaviatsiia arqyly jetkizildi, dep habarlaidy Ult.kz.
Dáriger kúrdeli otadan keiin qabyldaý bólimine túsip, kezekti naýqastardy qabyldap jatqanda, bólimshedegi bir patsient oǵan shabýyl jasaǵan. Oqiǵa saldarynan dáriger esinen tanyp, reanimatsiiaǵa tústi.
Dárigerge «midyń aýyr dárejedegi soǵylýy, miǵa qan quiylý, bas súieginiń jabyq synýy» diagnozy qoiyldy. Meditsinalyq konsiliým qorytyndysymen ol Astanadaǵy Ulttyq shuǵyl meditsinany úilestirý ortalyǵyna jetkizilip, mamandandyrylǵan kómek alýda.
Densaýlyq saqtaý ministri Aqmaral Álnazarovanyń aitýynsha, meditsina qyzmetkerlerine qatysty shabýyldardyń jiileýine bailanysty qabyldaý bólimderi men perinataldyq ortalyqtarǵa táýlik boiy politsiia beketterin qoiý týraly sheshim qabyldandy. Sonymen qatar, qyrkúiekte Parlamentke dárigerlerge jasalǵan shabýyl úshin jaýapkershilikti kúsheitetin zańnamalyq ózgerister usynylady. Ministrlik meditsina mekemelerin beinebaqylaý, dabyl túimelerimen jáne jedel járdem brigadalaryn beinejetondarmen jabdyqtaýdy josparlap otyr.
Qazirgi ýaqytta dárigerge qol kótergen azamatqa qatysty tergeý júrip jatyr.
