فوتو: ۆيدەودان سكرينشوت
قوستاناي وبلىستىق اۋرۋحاناسىنىڭ حيرۋرگٸ انتون كيستانوۆ پاتسيەنتتٸڭ شابۋىلىنان كەيٸن اۋىر جاعدايدا استاناعا ساناۆياتسييا ارقىلى جەتكٸزٸلدٸ, دەپ حابارلايدى Ult.kz.
دەرٸگەر كٷردەلٸ وتادان كەيٸن قابىلداۋ بٶلٸمٸنە تٷسٸپ, كەزەكتٸ ناۋقاستاردى قابىلداپ جاتقاندا, بٶلٸمشەدەگٸ بٸر پاتسيەنت وعان شابۋىل جاساعان. وقيعا سالدارىنان دەرٸگەر ەسٸنەن تانىپ, رەانيماتسيياعا تٷستٸ.
دەرٸگەرگە «ميدىڭ اۋىر دەرەجەدەگٸ سوعىلۋى, ميعا قان قۇيىلۋ, باس سٷيەگٸنٸڭ جابىق سىنۋى» دياگنوزى قويىلدى. مەديتسينالىق كونسيليۋم قورىتىندىسىمەن ول استاناداعى ۇلتتىق شۇعىل مەديتسينانى ٷيلەستٸرۋ ورتالىعىنا جەتكٸزٸلٸپ, مامانداندىرىلعان كٶمەك الۋدا.
دەنساۋلىق ساقتاۋ مينيسترٸ اقمارال ەلنازاروۆانىڭ ايتۋىنشا, مەديتسينا قىزمەتكەرلەرٸنە قاتىستى شابۋىلداردىڭ جيٸلەۋٸنە بايلانىستى قابىلداۋ بٶلٸمدەرٸ مەن پەريناتالدىق ورتالىقتارعا تەۋلٸك بويى پوليتسييا بەكەتتەرٸن قويۋ تۋرالى شەشٸم قابىلداندى. سونىمەن قاتار, قىركٷيەكتە پارلامەنتكە دەرٸگەرلەرگە جاسالعان شابۋىل ٷشٸن جاۋاپكەرشٸلٸكتٸ كٷشەيتەتٸن زاڭنامالىق ٶزگەرٸستەر ۇسىنىلادى. مينيسترلٸك مەديتسينا مەكەمەلەرٸن بەينەباقىلاۋ, دابىل تٷيمەلەرٸمەن جەنە جەدەل جەردەم بريگادالارىن بەينەجەتوندارمەن جابدىقتاۋدى جوسپارلاپ وتىر.
قازٸرگٸ ۋاقىتتا دەرٸگەرگە قول كٶتەرگەن ازاماتقا قاتىستى تەرگەۋ جٷرٸپ جاتىر.
