Foto: Polisia.kz
Oralda politsiia esirtki zerthanasyn joidy, — dep habarlaidy Polisia.kz.
Jedel-izdestirý is-sharalary nátijesinde politseiler Oral qalasynyń turǵyny páterinde esirtki zerthanasyn uiymdastyrǵanyn anyqtap, joidy.
Belgili bolǵandai, kúdikti páterindegi bir bólmeni fitozerthanaǵa ainaldyryp, jaryqdiodty shamdar men tyńaitqyshtardy qoldanyp, quramynda esirtki zaty bar qarasora ósimdikterin zańsyz ósirgen. Sanktsiialanǵan tintý barysynda qarasoranyń 11 túbi jáne 7 jas óskini, sondai-aq arnaiy jabdyqtar: shamdar, tyńaitqyshtar, temeki shegýge arnalǵan quraldar jáne keptirilgen ósimdik tektes zat salynǵan paketter tárkilendi.
Kúdiktiniń aitýynsha, ósimdikterdiń tuqymyn ol internet dúken arqyly satyp alǵan. Atalǵan fakti boiynsha sotqa deiingi tergeý amaldary bastaldy. Qajetti tergeý áreketteri júrgizilýde.
