Foto: Temirbaev, Massaget.kz
Ekibastuz turǵyndaryna jylý áli jetpei jatyr. Óitkeni jylý ortalyǵyndaǵy qazandyqtar turaqty jumys istemei tur, - dep habarlaidy Massaget.kz portaly.
Stantsiiada 10 qazandyqtyń qazir tórteýi ǵana jumys istep tur. Bul qalany jylýmen tolyq qamtamasyz etýge jetkiliksiz. Keide úsh qazandyq ta toqtap qalatyn kezderi bar. Jylý jelisinen 19 aqaý anyqtalǵan. Olardy qalpyna keltirý úshin sol shaǵynaýdandaǵy kópqabatty turǵyn úilerdi jylýdan ýaqytsha ajyrata turýǵa týra keledi. "Pavlodarenergo" AQ basshylyǵy da jylý kóktemge deiin tómen deńgeide bolatynyn joqqa shyǵarmaidy.
"Tótenshe jaǵdai bolǵaly páterimiz bir jylymai-aq qoidy. Únemi elektr pesh qosyp otyramyz. Ony óshirsek, úi sýyp ketedi. Bir bólmeni qymtap jaýyp qoidyq. Sonda bárimiz uiyqtaimyz. Jylytqysh qosqan bolyp elektr qýaty úshin aiyna 30 myń teńge túbirtek keledi", - deidi zeinetker Erkin Temirǵaliev.
Jeltoqsannyń jylý tólemderin monopoliialyq kompaniia óz moinyna alǵan. Osylaisha, olar qańtarda 70 paiyz jeńildik jasaitynyna ýáde bergen. Al elektr energiiasy úshin tólemderdi turǵyndardyń ózi tóleýine týra keledi. Óitkeni jaryq jetkizýshi kompaniia - bólek kásiporyn.
"Jylý berý júiesi, ókinishke qarai, birqalypty jumys istemei tur. Biraq múlde jylý berilip jatqan joq degen aqparatqa senýge de bolmaidy. Sebebi stantsiia jumys istep tur. Ókinishke qarai, kei kúnderi úsh qazandyqqa deiin túsip qalady. Ol kúnderi jylý parametri túsedi. Tólemderdi qaita esepteý máselesin qarastyryp jatyrmyz", - deidi Ekibastuz qalasynyń ákimi Aian Beisekin.
Jylý teńgerimi jetkiliksiz bolǵandyqtan Ekibastuz qalasyndaǵy 25 mekteptiń barlyǵy da onlain oqý formatyna kóshken. Al balabaqshalarda 27 kezekshi top jumys istep tur. Olar qosymsha elektr jylytqyshtardy qoldanyp otyr. Bilim berý úrdisi qalypty jaǵdaiǵa qashan kóshetinin dóp basyp eshkim aita almai otyr.
