فوتو: تەمٸرباەۆ, Massaget.kz
ەكٸباستۇز تۇرعىندارىنا جىلۋ ەلٸ جەتپەي جاتىر. ٶيتكەنٸ جىلۋ ورتالىعىنداعى قازاندىقتار تۇراقتى جۇمىس ٸستەمەي تۇر, - دەپ حابارلايدى Massaget.kz پورتالى.
ستانتسييادا 10 قازاندىقتىڭ قازٸر تٶرتەۋٸ عانا جۇمىس ٸستەپ تۇر. بۇل قالانى جىلۋمەن تولىق قامتاماسىز ەتۋگە جەتكٸلٸكسٸز. كەيدە ٷش قازاندىق تا توقتاپ قالاتىن كەزدەرٸ بار. جىلۋ جەلٸسٸنەن 19 اقاۋ انىقتالعان. ولاردى قالپىنا كەلتٸرۋ ٷشٸن سول شاعىناۋدانداعى كٶپقاباتتى تۇرعىن ٷيلەردٸ جىلۋدان ۋاقىتشا اجىراتا تۇرۋعا تۋرا كەلەدٸ. "پاۆلودارەنەرگو" اق باسشىلىعى دا جىلۋ كٶكتەمگە دەيٸن تٶمەن دەڭگەيدە بولاتىنىن جوققا شىعارمايدى.
"تٶتەنشە جاعداي بولعالى پەتەرٸمٸز بٸر جىلىماي-اق قويدى. ٷنەمٸ ەلەكتر پەش قوسىپ وتىرامىز. ونى ٶشٸرسەك, ٷي سۋىپ كەتەدٸ. بٸر بٶلمەنٸ قىمتاپ جاۋىپ قويدىق. سوندا بەرٸمٸز ۇيىقتايمىز. جىلىتقىش قوسقان بولىپ ەلەكتر قۋاتى ٷشٸن ايىنا 30 مىڭ تەڭگە تٷبٸرتەك كەلەدٸ", - دەيدٸ زەينەتكەر ەركٸن تەمٸرعاليەۆ.
جەلتوقساننىڭ جىلۋ تٶلەمدەرٸن مونوپولييالىق كومپانييا ٶز موينىنا العان. وسىلايشا, ولار قاڭتاردا 70 پايىز جەڭٸلدٸك جاسايتىنىنا ۋەدە بەرگەن. ال ەلەكتر ەنەرگيياسى ٷشٸن تٶلەمدەردٸ تۇرعىنداردىڭ ٶزٸ تٶلەۋٸنە تۋرا كەلەدٸ. ٶيتكەنٸ جارىق جەتكٸزۋشٸ كومپانييا - بٶلەك كەسٸپورىن.
"جىلۋ بەرۋ جٷيەسٸ, ٶكٸنٸشكە قاراي, بٸرقالىپتى جۇمىس ٸستەمەي تۇر. بٸراق مٷلدە جىلۋ بەرٸلٸپ جاتقان جوق دەگەن اقپاراتقا سەنۋگە دە بولمايدى. سەبەبٸ ستانتسييا جۇمىس ٸستەپ تۇر. ٶكٸنٸشكە قاراي, كەي كٷندەرٸ ٷش قازاندىققا دەيٸن تٷسٸپ قالادى. ول كٷندەرٸ جىلۋ پارامەترٸ تٷسەدٸ. تٶلەمدەردٸ قايتا ەسەپتەۋ مەسەلەسٸن قاراستىرىپ جاتىرمىز", - دەيدٸ ەكٸباستۇز قالاسىنىڭ ەكٸمٸ ايان بەيسەكين.
جىلۋ تەڭگەرٸمٸ جەتكٸلٸكسٸز بولعاندىقتان ەكٸباستۇز قالاسىنداعى 25 مەكتەپتٸڭ بارلىعى دا ونلاين وقۋ فورماتىنا كٶشكەن. ال بالاباقشالاردا 27 كەزەكشٸ توپ جۇمىس ٸستەپ تۇر. ولار قوسىمشا ەلەكتر جىلىتقىشتاردى قولدانىپ وتىر. بٸلٸم بەرۋ ٷردٸسٸ قالىپتى جاعدايعا قاشان كٶشەتٸنٸن دٶپ باسىپ ەشكٸم ايتا الماي وتىر.
