Turǵyn úidegi páterlerdi esirtki óndiretin orynǵa ainaldyrǵan kúdiktiler anyqtaldy. Zańsyz ainalymnan tárkilengen esirtki zattarynyń jalpy salmaǵy 20 kelige jýyq bolǵan, dep habarlaidy ult.kz.
Jyl basynan beri qala aýmaǵynda turǵyn úilerde uiymdastyrylǵan tórt zańsyz fitozerthananyń jumysy toqtatylǵan. Tergeý barysynda kúdiktiler páterler men jeke bólmelerdi arnaiy jabdyqtap, quramynda esirtki zaty bar ósimdikterdi ósirgeni anyqtaldy.
Quqyq qorǵaý organdarynyń málimetinshe, kúdiktiler ósimdikterdiń ósýine qolaily jaǵdai jasaý úshin arnaiy tehnikalyq qurylǵylar paidalanǵan. Zerthanalarda jaryqtandyrý, jeldetý jáne ylǵaldylyqty retteý júieleri ornatylǵan.
Keibir jaǵdaida zańsyz áreket úshin jeke páterler, qaita jabdyqtalǵan bólmeler, shkaftar men oqshaýlanǵan oryndar qoldanylǵan.
«Jedel-izdestirý is-sharalary barysynda politseiler zańsyz áreketke qatysy bar kúdiktilerdi anyqtap, ustady. Tintý kezinde quramynda esirtki zattary bar ósimdikter, daiyn esirtki quraldary jáne olardy ósirýge arnalǵan arnaiy jabdyqtar tárkilendi», – dep habarlady politsiia.
Atalǵan faktiler boiynsha qylmystyq ister qozǵalyp, sotqa deiingi tergeý júrgizilip jatyr.
Politsiia esirtki zattaryn zańsyz ósirý, daiyndaý, saqtaý jáne ótkizý Qazaqstan zańnamasyna sáikes qylmystyq jaýapkershilikke ákeletinin eskertti.
