تۇرعىن ٷيدەگٸ پەتەرلەردٸ ەسٸرتكٸ ٶندٸرەتٸن ورىنعا اينالدىرعان كٷدٸكتٸلەر انىقتالدى. زاڭسىز اينالىمنان تەركٸلەنگەن ەسٸرتكٸ زاتتارىنىڭ جالپى سالماعى 20 كەلٸگە جۋىق بولعان, دەپ حابارلايدى ult.kz.
جىل باسىنان بەرٸ قالا اۋماعىندا تۇرعىن ٷيلەردە ۇيىمداستىرىلعان تٶرت زاڭسىز فيتوزەرتحانانىڭ جۇمىسى توقتاتىلعان. تەرگەۋ بارىسىندا كٷدٸكتٸلەر پەتەرلەر مەن جەكە بٶلمەلەردٸ ارنايى جابدىقتاپ, قۇرامىندا ەسٸرتكٸ زاتى بار ٶسٸمدٸكتەردٸ ٶسٸرگەنٸ انىقتالدى.
قۇقىق قورعاۋ ورگاندارىنىڭ مەلٸمەتٸنشە, كٷدٸكتٸلەر ٶسٸمدٸكتەردٸڭ ٶسۋٸنە قولايلى جاعداي جاساۋ ٷشٸن ارنايى تەحنيكالىق قۇرىلعىلار پايدالانعان. زەرتحانالاردا جارىقتاندىرۋ, جەلدەتۋ جەنە ىلعالدىلىقتى رەتتەۋ جٷيەلەرٸ ورناتىلعان.
كەيبٸر جاعدايدا زاڭسىز ەرەكەت ٷشٸن جەكە پەتەرلەر, قايتا جابدىقتالعان بٶلمەلەر, شكافتار مەن وقشاۋلانعان ورىندار قولدانىلعان.
«جەدەل-ٸزدەستٸرۋ ٸس-شارالارى بارىسىندا پوليتسەيلەر زاڭسىز ەرەكەتكە قاتىسى بار كٷدٸكتٸلەردٸ انىقتاپ, ۇستادى. تٸنتۋ كەزٸندە قۇرامىندا ەسٸرتكٸ زاتتارى بار ٶسٸمدٸكتەر, دايىن ەسٸرتكٸ قۇرالدارى جەنە ولاردى ٶسٸرۋگە ارنالعان ارنايى جابدىقتار تەركٸلەندٸ», – دەپ حابارلادى پوليتسييا.
اتالعان فاكتٸلەر بويىنشا قىلمىستىق ٸستەر قوزعالىپ, سوتقا دەيٸنگٸ تەرگەۋ جٷرگٸزٸلٸپ جاتىر.
پوليتسييا ەسٸرتكٸ زاتتارىن زاڭسىز ٶسٸرۋ, دايىنداۋ, ساقتاۋ جەنە ٶتكٸزۋ قازاقستان زاڭناماسىنا سەيكەس قىلمىستىق جاۋاپكەرشٸلٸككە ەكەلەتٸنٸن ەسكەرتتٸ.
