Biyl qańtar-sáýir ailary aralyǵynda elimizdegi jańa páterlerdiń baǵasy sharshy metrine orta eseppen alǵanda 1,1 paiyzǵa - 250,1 myń teńgege deiin ósken. Mundai kórsetkish 7 qalada baiqalady, al taǵy úsh óńirde páter baǵasy sharshy metrine kerisinshe, tómendegen, - dep habarlaidy Ranking.kz sarapshylary.
Sarashylardyń aitýynsha, Petropavlda páter baǵasy sharshy metrine qatty qymbattaǵan. Onda jańa turǵyn úidiń sharshy metri 16,6 paiyzǵa - 185,0 myń teńgege qymbattap ketken. Petropavldan keiin Almaty qalasy tur. Munda 2017 jyldyń sáýir aiynda jańa páterdiń sharshy metriniń baǵasy 341,5 myń teńge bolǵan. Al 3-orynda Semei qalasy tur. Semeilikter qazirgi ýaqytta jańa páterdiń sharshy metrine 154, 5 myń tóleýi kerek.
Jańa páterlerdiń baǵasynyń ósýi, árine, qazaqstandyqtardyń óz jyljymaityn múligin satyp alýǵa qarajat jinaýǵa degen múmkindikterine shekteý qoiady.
Sarapshylardyń aitýynsha, qazirgi ýaqytta jumys istep júrgen qazaqstandyqqa bir bólmeli páter satyp alý úshin (32 sharshy metr) 14 jyldan asa ýaqyt kerek. Iaǵni, ol adam 14 jyl boiy jalaqysynyń 30 paiyzyn páter alýǵa jinaidy.
Sondai-aq, mamandar elimizde ipotekalyq nesie berý naryǵynda 17 ekinshi deńgeili bank (ATF, RBK, Sberbank jáne Tsesnabank) jumys istep jatqanyn aityp ótti. Jalpy, ipotekalyq qaryzdyń maksimaldyq merzimi 240 ai eken
