بيىل قاڭتار-سەۋٸر ايلارى ارالىعىندا ەلٸمٸزدەگٸ جاڭا پەتەرلەردٸڭ باعاسى شارشى مەترٸنە ورتا ەسەپپەن العاندا 1,1 پايىزعا - 250,1 مىڭ تەڭگەگە دەيٸن ٶسكەن. مۇنداي كٶرسەتكٸش 7 قالادا بايقالادى, ال تاعى ٷش ٶڭٸردە پەتەر باعاسى شارشى مەترٸنە كەرٸسٸنشە, تٶمەندەگەن, - دەپ حابارلايدى Ranking.kz ساراپشىلارى.
ساراشىلاردىڭ ايتۋىنشا, پەتروپاۆلدا پەتەر باعاسى شارشى مەترٸنە قاتتى قىمباتتاعان. وندا جاڭا تۇرعىن ٷيدٸڭ شارشى مەترٸ 16,6 پايىزعا - 185,0 مىڭ تەڭگەگە قىمباتتاپ كەتكەن. پەتروپاۆلدان كەيٸن الماتى قالاسى تۇر. مۇندا 2017 جىلدىڭ سەۋٸر ايىندا جاڭا پەتەردٸڭ شارشى مەترٸنٸڭ باعاسى 341,5 مىڭ تەڭگە بولعان. ال 3-ورىندا سەمەي قالاسى تۇر. سەمەيلٸكتەر قازٸرگٸ ۋاقىتتا جاڭا پەتەردٸڭ شارشى مەترٸنە 154, 5 مىڭ تٶلەۋٸ كەرەك.
جاڭا پەتەرلەردٸڭ باعاسىنىڭ ٶسۋٸ, ەرينە, قازاقستاندىقتاردىڭ ٶز جىلجىمايتىن مٷلٸگٸن ساتىپ الۋعا قاراجات جيناۋعا دەگەن مٷمكٸندٸكتەرٸنە شەكتەۋ قويادى.
ساراپشىلاردىڭ ايتۋىنشا, قازٸرگٸ ۋاقىتتا جۇمىس ٸستەپ جٷرگەن قازاقستاندىققا بٸر بٶلمەلٸ پەتەر ساتىپ الۋ ٷشٸن (32 شارشى مەتر) 14 جىلدان اسا ۋاقىت كەرەك. ياعني, ول ادام 14 جىل بويى جالاقىسىنىڭ 30 پايىزىن پەتەر الۋعا جينايدى.
سونداي-اق, ماماندار ەلٸمٸزدە يپوتەكالىق نەسيە بەرۋ نارىعىندا 17 ەكٸنشٸ دەڭگەيلٸ بانك (اتف, RBK, سبەربانك جەنە تسەسنابانك) جۇمىس ٸستەپ جاتقانىن ايتىپ ٶتتٸ. جالپى, يپوتەكالىق قارىزدىڭ ماكسيمالدىق مەرزٸمٸ 240 اي ەكەن
