El ishinde sailaýdan keiin birden bir kóteretin máselesi – partiianyń sailaýaldy baǵdarlamasyn oryndaýy. Básekege túskende bes jylǵa jospar quryp, maqsat qoiǵan partiialar birden iske kirisýi, quba-qup dúnie. Mundai jaǵdaida is-árekettiń bir izge túskeni, júieli túrde, tizbektele ár máseleniń sheshim tabýy qýantady. Osy oraida «Ult» portaly partiialar qalai jumys istep jatqanyn taldap kórdi.
Eldiń basty partiiasy sanalatyn Nur Otan partiiasy 2021 jyldyń sáýirinde otbasy, áielder jáne balalardyń quqyqtaryn qorǵaý máseleleri jónindegi respýblikalyq qoǵamdyq keńestiń otyrysynda ońaltý ortalyqtarynyń qurylysy, otbasyn qoldaý infraqurylymyn keńeitý, sýitsidtiń aldyn alýdyń biryńǵai júiesin engizý jáne basqa da ózekti máselelerdi talqylady. Partiia hatshysy Álibek Aldeneidiń aitýynsha, "Baqytty otbasy" jobasy aiasynda ortalyq jáne jergilikti atqarýshy organdar keńestiń usynymdaryn eskere otyryp, elimizdiń 220 eldi mekeninde internattar men mektepterde jóndeý jumystaryn júrgizý, meditsinalyq-áleýmettik mekemelerde balalardy kútý sapasyn jaqsartý boiynsha aitarlyqtai jumys júrgizilgen. Bul joba eldiń barlyq aimaǵynda iske qosyldy. Sondai-aq kei qalada "Baqytty Otbasy" jobasy janynan kópbalaly analardy oqytý boiynsha "Isker Ana" baǵdarlamasy jumys isteidi. Ol jerde analar quqyqtaný, aspazdyq sheberlik, ulttyq qolóner, tigin sheberligi, sulýlyq salony men qarjylyq saýattylyq qyzmetterin alyp, bilimin shyńdai alady.
Resmi aqparatqa sáikes, partiianyń jumysy nátijesinde 200 qyzmetker úshin oqytý uiymdastyryldy jáne jalaqy 50%-ǵa artty. Partiia janynan ómirlik qiyn jaǵdaida júrgen otbasylarǵa, áielder men balalarǵa keshendi kómek kórsetý jáne anyqtaý úshin "111 shuǵyl qyzmeti" bailanys ortalyǵy ashyldy. Ol elimizdiń barlyq óńirlerinde arnaiy qurylǵan jedel áreket etý toptarymen ózara is-qimyl jasaidy. Keńes tóraǵasy Dinara Zakieva óńirlerde júrgizilgen taldaý óńirlerdegi otbasyn qoldaý ortalyqtarynyń sanyn arttyrý qajettigin aiǵaqtaitynyn atap ótken edi. Onyń ishinde aýdan ortalyqtarynda qiyn ómirlik jaǵdaidaǵy, sondai-aq qatygezdikke, zorlyq-zombylyqqa ushyraǵan otbasylaryna, balalary bar áielderge ýaqtyly kómek kórsetýdi qamtamasyz etý úshin osyndai ortalyqtyń kóp bolýy mańyzdy ekenin jetkizdi.
Aita keteiik, Qazaqstanda 2020 jyldyń qyrkúieginen bastap balalar men eresekter úshin otbasylyq-turmystyq zorlyq-zombylyq máseleleri boiynsha "111 shuǵyl qyzmet" bailanys ortalyǵy qaita iske qosylady. Qońyraýlar táýlik boiy qabyldanady, barlyq ótinish qatań qupiia saqtalady. Sonymen qatar balalar men jastarǵa arnalǵan "150" ulttyq senim telefony jumys isteidi.
"Jedel áreket etý toptary jumys istegen 10 aidyń ishinde barlyq óńirlerde 46 myń otbasyna kómek kórsetildi, onyń ishinde qujattardy resimdeý, jumysqa ornalastyrý jáne basqa da ortalyqtar osyndai keshendi kómekti "bir tereze" qaǵidaty boiynsha kórsete alady. Partiianyń sailaýaldy baǵdarlamasynda 5 jyl ishinde árbir qala men aýdanda otbasyn qoldaý, otbasylyq janjaldardy sheshý jáne balalary bar áielderge ýaqytsha turý boiynsha 234 ortalyq ashý mindeti tur", - dedi Dinara Zakieva.
Otyrys barysynda Keńes múshesi Diana Erlan bilim jáne ǵylym ministrliginiń ókilderin balalardyń internattarda turýy men oqýynyń jaqsarýyna nazar aýdarýǵa shaqyrdy.
Máselen, 2019 jyly Keńestiń jumys toby elimizdiń barlyq oblystaryndaǵy 61 internatqa bardy, olardyń 19-ynda sanitarlyq normalar men sharttardyń buzylǵany anyqtaldy. Eskertýler jasalǵan barlyq internattarda materialdyq-tehnikalyq baza nyǵaitylyp, kúrdeli jáne aǵymdaǵy jóndeý jumystary júrgizildi. Alaida elde 400-den astam internat qalyp otyr, olar da jaǵdaidy jaqsartýdy talap etedi. Partiianyń baspasóz qyzmetiniń málimetinshe, ýákiletti organǵa 2021 jyldyń 1 shildesine deiin is-qimyl josparyn, barlyq internattardaǵy jaǵdaidy jaqsartý jónindegi kesteni keńeske usyný merzimi berilgen. Otyrys qorytyndysy boiynsha atqarýshy organdar úshin birqatar usynymdar ázirlendi, olardyń arasynda kámeletke tolmaǵandardyń isteri jáne olardyń quqyqtaryn qorǵaý jónindegi vedomstvoaralyq komissiianyń qaraýyna arnaiy mektepterden oralǵannan keiin kámeletke tolmaǵandardy ońaltý, múgedek balalarǵa arnalǵan ońaltý ortalyqtarynyń sanyn ulǵaitý jáne t.b. máseleler engizildi.
Qazirgi kezde ózekti máseleniń biri – eshteńege qulqy joq jastardy jumysqa tartý, eńbekke baýlý. Soǵan bailanysty jastarǵa arnalǵan partiianyń "Bilim berý protsesine jáne jumyspen qamtýǵa tartylmaǵan jastardy áleýmettendirý sharalaryn ázirleý jáne iske asyrý (NEET sanaty)"jobasy bastaldy. Joba boiynsha respýblikalyq jobalyq keńse ashyldy. Jobalyq keńsede jastar quqyqtyq máseleler, psihologiia máseleleri jáne basqa da máseleler boiynsha onlain rejiminde keńes ala alady, ol úshin call-ortalyq jumys isteidi. Jobany sapaly iske asyrý maqsatynda respýblikanyń 17 óńirimen tyǵyz yntymaqtastyq týraly memorandým jasalady. Osylaisha, partiialar otbasy máselesi men áleýmettik máseleni, kásipkerlik salasyn bir-birimen bailanystyryp otyr.
Esterińizge sala keteiik, el ishinde sailaýdan keiin birden bir kóteretin máselesi – partiianyń sailaýaldy baǵdarlamasyn oryndaýy. Básekege túskende bes jylǵa jospar quryp, maqsat qoiǵan partiialar birden iske kirisýi, quba-qup dúnie. Mundai jaǵdaida is-árekettiń bir izge túskeni, júieli túrde, tizbektele ár máseleniń sheshim tabýy qýantady. Osy oraida «Ult» portaly partiialar qalai jumys istep jatqanyn taldap kórdi.
