Partiialyq emes baiqaý ortalyǵynyń ókilderi aldaǵy ákim sailaýynda zańbuzýshylyqtar anyqtasa, qalai áreket etedi? Bul týraly uiymnyń tóraǵasy Tólegen Kýnadilov tsiúinkteme berdi, dep habarlaidy QazAqparat.
«Bizdiń baiqaýshylar sailaý ýchaskesinde zań buzýshylyqty anyqtady delik. Ol birden sailaý komitetiniń tóraǵasyn nemese onyń hatshysyn shaqyryp, qandai buzýshylyq oryn alǵanyn aitady. Aýyzsha eskertýden keiin buzýshylyq joiylsa, aktini toltyrmaýyna bolady. Eskertýeskerýsiz qalǵan jaǵdaida eki danamen akt toltyrady. Bir danasy hattamamen birge tigý úshin ýchaskelik komissiia tóraǵasyna beriledi. Al ekinshi danasyn shtabqa berý úshin ózinde qaldyrady. Zańbuzýshylyqty tirkeý kezinde daýys berý údesirine kedergi kelmeýi kerek», - dep túsindirdi Tólegen Kúnádilov.
Onyń aitýynsha, partiiadan tys baiqaýshylardyń báriniń sailaý protsesinde qandai da bir tájiribesi bar. Keibiri tipti Parlamenti Májilisi depýtattarynyń aldyńǵy sailaýyna qatysqan.
«Ár sailaý saiyn baqylaýshylar sany artyp keledi. Bul azamattardyń quqyqtary zańmen qorǵalatynyn bildiredi. Eń bastysy – azamattardyń erik bildirýiniń buzylýyna jol bermeý. Biz óz esepterimizdi ýákiletti organdarǵa usynatyn bolamyz. Respýblika boiynsha bizde 100-ge jýyq ÚEU seriktes bar, olar da bizge kómektesip, baiqaýǵa qatysady. Biz baiqaýshyǵa yńǵaily bolý úshin bloknot jasadyq, qajet bolǵan jaǵdaida adamdar bloknotqa qarap, zańnyń qandai da bir normalaryn taba alady», - dedi Tólegen Kúnádilov.
