Foto:freepik.com
Búgin Májilistiń jalpy otyrysynda palata depýtattary «Qazaqstan Respýblikasynyń keibir zańnamalyq aktilerine densaýlyq saqtaý máseleleri boiynsha ózgerister men tolyqtyrýlar engizý týraly» Zańyna Senattyń jańa redaktsiiada usynǵan jekelegen baptarymen kelisti, - dep habarlaidy "Ult aqparat" Kazinformǵa silteme jasap.
Zań halyqty sapaly jáne tolyqtai meditsinalyq kómekpen qamtamasyz etý, meditsina qyzmetkerleriniń kásibi jaýapkershiligin saqtandyrý júiesin engizý arqyly ziiandy óteýge memleket kepildik bergen patsientterdiń quqyqtaryn iske asyrý, meditsinalyq mamandyqtyń mártebesi men bedelin arttyrý maqsatynda ázirlendi.
Aita keteiik, 14 naýryzda Senat «Qazaqstan Respýblikasynyń keibir zańnamalyq aktilerine densaýlyq saqtaý máseleleri boiynsha ózgerister men tolyqtyrýlar engizý týraly» Zańyn ekinshi oqylymda qarady. Senat zańnyń jekelegen baptaryn jańa redaktsiiada usynyp, ony Májiliske qaitardy.
«Májilistiń Áleýmettik-mádeni damý komiteti atalǵan zańnyń jekelegen baptaryna Parlament Senaty engizgen ózgerister men tolyqtyrýlardy qarap shyqty. Bul turǵyda, shegilmeitin temeki buiymdarynyń, elektrondyq tutyný júieleriniń (veipterdiń), olarǵa arnalǵan hosh iistendirgishter men suiyqtyqtardyń ainalymy úshin qylmystyq jaýaptylyq engizilgen. Osyǵan bailanysty Senat depýtattary atalǵan is-áreket úshin osy zańdy ákimshilik jaýaptylyqty bolǵyzbaityn normamen tolyqtyrýdy usyndy», - dedi Májilis depýtaty Gúldara Nurymova.
Iaǵni veipterdiń saýdasy úshin qylmystyq jaýapkershilik engizilip otyr.
Budan basqa, shegilmeitin temeki buiymdary men veipterdiń taýar belgisiniń elementterin nemese ataýyn paidalana otyryp, taýarlardy (jumystardy, kórsetiletin qyzmetterdi) jarnamalaýǵa, sondai-aq shegilmeitin temeki buiymdary men veipterge suranys pen qyzyǵýshylyqty yntalandyrýǵa baǵyttalǵan túrli is-sharalardy, onyń ishinde júldeler utys oiyndaryn, lotereialardy ótkizýge tyiym salýdy belgileýdi kózdeitin ózgerister men tolyqtyrýlar engizildi.
«Senat depýtattary jekelegen baptarǵa engizgen ózgerister men tolyqtyrýlar osyǵan deiin Parlament Májilisi qabyldaǵan zańnyń tujyrymdamasyn ózgertpeidi jáne onyń mazmunyn nasharlatpaidy. Osy oraida atalǵan zańnyń jekelegen baptaryna Senat engizgen ózgeristermen kelisýdi usynamyz», - dedi depýtat.
