Parlament Senaty eki oqylymda áielderdiń quqyqtary men balalardyń qaýipsizdigin qamtamasyz etý máseleleri jónindegi zańdy, sondai-aq Ákimshilik quqyq buzýshylyq týraly kodekske túzetýlerdi maquldady, dep habarlaidy "Ult aqparat".
Túzetýler memlekettik otbasylyq saiasattyń quqyqtyq, áleýmettik, institýtsionaldyq jáne ózge de negizderin jetildirýge, áielderdiń quqyqtary men balalardyń qaýipsizdigin qorǵaýdy kúsheitýge, olardyń qaýipsizdigin buzǵany úshin ákimshilik jáne qylmystyq jaýapkershilikti qataitýǵa, otbasy men turmystaǵy zorlyq-zombylyqtyń aldyn alýǵa baǵyttalǵan.
"Memleket basshysy kámeletke tolmaǵandarǵa qatysty zorlyq-zombylyqtyń kez kelgen túri úshin jazany qatańdatýdy, sondai-aq bilim berý mekemelerinde psihologiialyq qoldaý qyzmetin institýtsionaldyq kúsheitýdi, biryńǵai senim telefonyn uiymdastyrýdy jáne qaraýǵa usynylǵan zańdarda kórinis tapqan zorlyq-zombylyq pen býlling qurbandaryna kómek kórsetýdiń pármendi baǵdarlamasyn ázirleýdi tapsyrdy", - dedi Senat depýtaty Janna Asanova.
"Áielderdiń quqyqtary men balalardyń qaýipsizdigin retteitin" Zańmen Qylmystyq kodekske mynadai ózgerister engiziledi:
- – adamdardyń kámeletke tolmaǵandarǵa qatysty zorlyq-zombylyqqa bailanysty qylmystar kezinde kodekstiń erekshe bóliginde kózdelgennen neǵurlym jeńil jaza taǵaiyndaýǵa tyiym salý;
- – taraptardyń kámeletke tolmaǵandarǵa qatysty zorlyq-zombylyqqa bailanysty qylmystar boiynsha, sondai-aq Kodekstiń 108-1 ("Densaýlyqqa qasaqana jeńil ziian keltirý") jáne 109-1 ("Uryp-soǵý") - baptarynda kózdelgen qylmystyq quqyq buzýshylyqtar tatýlasqannan keiin bir jyldan keiin qaitalap jasalǵan jaǵdailarda tatýlasýyna jol berilmeidi;
- – densaýlyqqa qasaqana aýyr ziian keltirýge, densaýlyǵyna aýyrlyǵy ortasha ziian keltirýge baǵyttalǵan is-áreketter úshin bas bostandyǵyn shekteý túrindegi balamaly jaza alynyp tastalady jáne bas bostandyǵynan aiyrý túrindegi jaza belgilenedi;
- – kámeletke tolmaǵan adamdy óltirgeni úshin (QK-niń 99-baby), kámeletke tolmaǵanǵa qatysty zorlaý jasaǵany úshin (QK-niń 120-baby) jáne kámeletke tolmaǵanǵa qatysty jynystyq sipattaǵy zorlyq-zombylyq áreketteri úshin (QK-niń 121-baby) QK-niń qoldanystaǵy normalarynda kózdelgen basqa balama jazalaý sharalaryn alyp tastaý arqyly ómir boiyna bas bostandyǵynan aiyrý túrindegi jaza belgilenedi;
- – 16 jasqa tolmaǵan adamdarǵa jynystyq sipattaǵy tiisý úshin jaýapkershilik engiziledi;
- – ózin-ózi óltirýge itermeleý nemese kómektesý úshin jaza belgileidi;
- – qylmystyq quqyq buzýshylyq jasaǵan adamnyń minez-qulqyna sot qoldanatyn erekshe talaptardy belgileitin jańa bap engizildi;
- – Senat depýtattary zańdy birinshi jáne ekinshi oqylymda maquldaýǵa daýys berdi. Qujat Prezidettiń qol qoiýyna jiberiledi. Ol qol qoiylǵannan keiin kúshine enedi.
