Foto: Aqorda
Jýrnalisterdiń suraǵyna jaýap bergen Májilis depýtaty Ermurat Bapi "Parlament taratylýy múmkin" degen qoǵamda taraǵan qaýesetke núkte qoidy, dep habarlaidy Ult.kz.
Ermurat Bapi bilikte saiasi reforma júretini, Parlament taratylatyny jóninde áleýmettik jelilerde qaýeset taraǵanyna óz pikirin bildirip, jel sózge senbeýge shaqyrdy.
"Saiasi reforma júredi degen áńgime bar. Ondai resmi nemese álde bir talqylaý júrip jatqan joq. Ol áleýmettik jelide, qoǵamda júrip jatqan jel sóz, qańqý. Men naqty ol týraly qazir bilik tarapynan qozǵalys bar dep aita almaimyn. Parlamentti taratýǵa qajettilik joq. Sebebi elde qazir turaqtylyq, tynyshtyq, óte qajettilik joq. Qoǵamda tolqý týyp tursa, úkimet pen parlamenttiń arasynda daǵdarys bolsa, álde biliktiń arasynda kelispeýshilikter bolsa, birsári. Typ-tynysh jatqan Parlamentti taratýdyń qandai qajettiligi bar?" - dedi depýtat.
Biraq depýtat Bapi Parlamenttiń taratylýy múmkin ýaqyttyn naqty atady.
"Taratý bolady, biraq ol 2027 jyldarǵa taman... Bálkim jiyrma jetiniń basynda, ne jiyrma jetinshi jyldardyń aiaǵynda Toqaev myrzanyń kadentsiiasy biter aldynda bolady. Oǵan deiin ázirshe bola qoimaidy", - dedi ol.
Aita keteiik, búgin Astanada Parlament Palatalarynyń birlesken otyrysy ótti. Otyrysty Májilis tóraǵasy Erlan Qoshanov ashty. Sodan keiin qos palata depýtattary Qazaqstan Respýblikasynyń ánuranyn oryndady. Keiin Erlan Qoshanov otyrysty jabyq dep jariialady. Osylai Parlament Palatalarynyń birlesken otyrysy birneshe minýtqa ǵana sozyldy.
