Ortalyq sailaý komissiiasynyń qaýlylarymen tirkelgen saiasi partiialar Májilis depýtattarynyń 2021 jylǵy 10 qańtarynda ótetin kezekti sailaýyna qatysýǵa jiberildi, dep habarlaidy "Ult aqparat".
Osylaisha Ortalyq sailaý komissiiasy tirkegen partiialyq tizimge «Aýyl» halyqtyq-demokratiialyq patriottyq partiiasy, «Nur Otan» partiiasy, «Adal» partiiasy, «Aq jol» men «Qazaqstan halyq partiiasy» engen. Osy partiialar óz qatarynan 312 úmitkerdi Májilis depýtattyǵyna usynǵan. Onyń ishinde Aýyl – 19, Nur Otan – 126, Adal – 16, Aq jol – 38, Qazaqstan halyq partiiasy 113 adamdy usynyp otyr.
«Partiialyq tizimge 222 er, 90 áiel engizildi. Ortasha jas – 46,7 jas. 29 jasqa tolmaǵan 19 adam bar. Eń jasy 1995 jyly týǵan, eń úlkeni 1950 jylǵy azamat. Tizimge engenderdiń ishinde 12 ult ókili bar. Olardyń ishinde 79,8 paiyzy qazaq, 13,8 paiyzy orys, 6,4 paiyzy basqa ulttyń ókilderi. Partiialyq tizimderge Parlament Májilisi VI shaqyrylymynyń 34 depýtaty engizildi», - dedi búgingi jiynda Ortalyq sailaý komissiiasy tóraǵasynyń orynbasary Konstantin Petrov.
