ورتالىق سايلاۋ كوميسسيياسىنىڭ قاۋلىلارىمەن تٸركەلگەن ساياسي پارتييالار مەجٸلٸس دەپۋتاتتارىنىڭ 2021 جىلعى 10 قاڭتارىندا ٶتەتٸن كەزەكتٸ سايلاۋىنا قاتىسۋعا جٸبەرٸلدٸ, دەپ حابارلايدى "ۇلت اقپارات".
وسىلايشا ورتالىق سايلاۋ كوميسسيياسى تٸركەگەن پارتييالىق تٸزٸمگە «اۋىل» حالىقتىق-دەموكراتييالىق پاتريوتتىق پارتيياسى, «نۇر وتان» پارتيياسى, «ادال» پارتيياسى, «اق جول» مەن «قازاقستان حالىق پارتيياسى» ەنگەن. وسى پارتييالار ٶز قاتارىنان 312 ٷمٸتكەردٸ مەجٸلٸس دەپۋتاتتىعىنا ۇسىنعان. ونىڭ ٸشٸندە اۋىل – 19, نۇر وتان – 126, ادال – 16, اق جول – 38, قازاقستان حالىق پارتيياسى 113 ادامدى ۇسىنىپ وتىر.
«پارتييالىق تٸزٸمگە 222 ەر, 90 ەيەل ەنگٸزٸلدٸ. ورتاشا جاس – 46,7 جاس. 29 جاسقا تولماعان 19 ادام بار. ەڭ جاسى 1995 جىلى تۋعان, ەڭ ٷلكەنٸ 1950 جىلعى ازامات. تٸزٸمگە ەنگەندەردٸڭ ٸشٸندە 12 ۇلت ٶكٸلٸ بار. ولاردىڭ ٸشٸندە 79,8 پايىزى قازاق, 13,8 پايىزى ورىس, 6,4 پايىزى باسقا ۇلتتىڭ ٶكٸلدەرٸ. پارتييالىق تٸزٸمدەرگە پارلامەنت مەجٸلٸسٸ Vٸ شاقىرىلىمىنىڭ 34 دەپۋتاتى ەنگٸزٸلدٸ», - دەدٸ بٷگٸنگٸ جيىندا ورتالىق سايلاۋ كوميسسيياسى تٶراعاسىنىڭ ورىنباسارى كونستانتين پەتروۆ.
