Senat depýtattary "mobildi tólemder" túsinigin engizetin zań qabyldady, iaǵni kásipkerler mobildi aýdarymdar úshin salyq tóleitin bolady, - dep habarlaidy Tengrinews.kz agenttigi.
Pandemiia kezeńinde saýda jáne qyzmet kórsetý salasyndaǵy shaǵyn jáne orta biznes sýbektileri kásipkerlik qyzmette jeke tulǵalar arasyndaǵy tranzaktsiialarǵa arnalǵan mobildi aýdarymdardy paidalana bastady.
Senator Olga Perepechina zań jobasynyń qorytyndysynda osy máseleni zańnamalyq retteý maqsatynda mynalardy usyndy:
- "mobildi tólemder" uǵymyn anyqtaý;
- mobildi tólemder arqyly taýarlar men qyzmetterdi tóleý kezinde onlain baqylaý-kassalyq mashinalardy paidalanýdy zańdastyrý;
- kásipkerlerdi biznesti júrgizý úshin, iaǵni mobildi aýdarymdardy jeke jáne kásipkerlik dep bólýge arnalǵan jeke shottardy paidalanýǵa mindetteý;
- bankterdi memlekettik kiris organdaryna tiisti aqparatty berýge mindetteý.
Qarjy vitse-ministri Marat Sultanǵazievtiń aitýynsha, salyq rejiminde eshteńe ózgermeidi.
"Salyq stavkasy ózgermeidi, qosymsha salyq júktemeleri bolmaidy. Tek zańdy ainalymdy kórsetý kerek.
Bizde esepke ýaqtyly qoiylmaǵany úshin tólenetin ákimshilik aiyppuldar bar, sondai-aq esepte ainalymdy kórsetpegeni úshin ákimshilik jaýapkershilikke tartylýy múmkin. Birinshi ret eskertiledi, ekinshi ret aiyppul tóleidi.
Biz táýekelderdi basqarý júiesin ázirleitin bolamyz. Mysaly, jeke tulǵa kúnine birneshe ret basqa tulǵalardan aqsha alady. Bul birneshe kún, ailar boiy jalǵasady. Bul salyq organdarynyń osy jeke tulǵamen jumysty jalǵastyrýǵa nazar aýdarýy qajet ekendiginiń bir belgisi bolmaq", - dep túsindirdi Sultanǵaziev.
