Búgin Parlament Májilisiniń jalpy otyrysynda palatanyń osy sessiiaǵa arnalǵan sharalar negizgi jospary qaralyp, bekitildi, dep habarlaidy QazAqparat.
«Altynshy sailanǵan Parlament Májilisiniń aǵymdaǵy sessiiasyna arnalǵan is-sharalar josparynyń jobasy Tuńǵysh Prezident – Elbasy Nursultan Ábishuly Nazarbaevtyń bes institýtsionaldyq reformasyn iske asyrý jónindegi «100 naqty qadam» Ult josparyna sáikes, sondai-aq Parlamenttiń osy sessiiasynyń ashylýy kezinde Memleket basshysy
Qasym-Jomart Kemeluly Toqaevtyń Qazaqstan halqyna Joldaýynda aitylǵan tapsyrmalaryna sáikes ázirlendi. Jospar jobasy Májilistiń turaqty komitetterinde pysyqtaldy ári ózekti máselelerden týyndaityn asa mańyzdy is-sharalardy qamtidy», - dedi Májilis tóraǵasynyń orynbasary Gúlmira Isimbaeva.
Onyń sózine qaraǵanda, jospar birneshe bólimnen turady.
Sonyń ishinde 2020 jylǵy qarashada «Qazaqstan Respýblikasy Prezidentiniń 2020 jylǵy 1 qyrkúiektegi Joldaýy aiasynda azamattarǵa zań kómegin kórsetý salasyn jetildirý» taqyrybynda parlamenttik tyńdaý ótkizý josparlanyp otyr. Sondai-aq eldegi sanitariialyq-epidemiologiialyq jaǵdaidy eskere otyryp, komitetterdiń kóshpeli otyrystaryn memlekettik organdardyń, úkimettik emes uiymdardyń, biznes qurylymdardyń qatysýymen beine-konferents bailanys formatynda keńeitilgen taqyryptyq otyrystarǵa aýystyrý usynylady.
«Mysaly, Ekologiia komiteti beiindi ministrlik pen birneshe oblystardy tarta otyryp, Ekologiialyq kodeksti talqylaý boiynsha otyrys ótkizýdi josparlaýda. Bul otyrys Memleket basshysynyń jyl sońyna deiin Ekologiialyq kodeksti qabyldaýǵa qatysty tapsyrmasy aiasynda ózekti sipat alyp otyr.Al, Agrarlyq máseleler komiteti ministrlikterdiń, Almaty jáne Jambyl oblystary mamandarynyń qatysýymen, áleýmettik máni bar azyq-túlik taýarlarymen halyqtyń ózin-ózi qamtamasyz etýi maqsatynda aýyl sharýashylyǵy kooperatsiiasyn damytý máselelerin qaraýdy usyndy.
Osylaisha, oblystardyń problemalary talqylanyp, óńirlermen bailanys saqtalady», - dedi G. Isimbaeva.
Sonymen qatar, aǵymdaǵy sessiianyń birinshi jartysynda arnaiy keste boiynsha jeti Úkimet saǵatyn ótkizý josparǵa alyndy. Sondai-aq, Májilis qatysatyn, Parlamenttiń parlamentaralyq jáne halyqaralyq qyzmetine bailanysty is-sharalar, halyqaralyq konferentsiialar, dóńgelek ústelder beine-konferents bailanys formatynda ótkiziletin bolady.
«Qoldaryńyzda Jospardyń jobasy bar. Ol boiynsha osy sessiiaǵa 30-ǵa jýyq negizgi is-shara josparlanyp, olar sapaly zań jobalaryn daiyndaýǵa jáne qabyldaýǵa baǵyttalǵan. Altynshy sailanǵan Parlament Májilisiniń altynshy sessiiasyna arnalǵan negizgi is-sharalar josparyn bekitýdi suraimyn», - dedi Májilis tóraǵasynyń orynbasary.
