بٷگٸن پارلامەنت مەجٸلٸسٸنٸڭ جالپى وتىرىسىندا پالاتانىڭ وسى سەسسيياعا ارنالعان شارالار نەگٸزگٸ جوسپارى قارالىپ, بەكٸتٸلدٸ, دەپ حابارلايدى قازاقپارات.
«التىنشى سايلانعان پارلامەنت مەجٸلٸسٸنٸڭ اعىمداعى سەسسيياسىنا ارنالعان ٸس-شارالار جوسپارىنىڭ جوباسى تۇڭعىش پرەزيدەنت – ەلباسى نۇرسۇلتان ەبٸشۇلى نازارباەۆتىڭ بەس ينستيتۋتسيونالدىق رەفورماسىن ٸسكە اسىرۋ جٶنٸندەگٸ «100 ناقتى قادام» ۇلت جوسپارىنا سەيكەس, سونداي-اق پارلامەنتتٸڭ وسى سەسسيياسىنىڭ اشىلۋى كەزٸندە مەملەكەت باسشىسى
قاسىم-جومارت كەمەلۇلى توقاەۆتىڭ قازاقستان حالقىنا جولداۋىندا ايتىلعان تاپسىرمالارىنا سەيكەس ەزٸرلەندٸ. جوسپار جوباسى مەجٸلٸستٸڭ تۇراقتى كوميتەتتەرٸندە پىسىقتالدى ەرٸ ٶزەكتٸ مەسەلەلەردەن تۋىندايتىن اسا ماڭىزدى ٸس-شارالاردى قامتيدى», - دەدٸ مەجٸلٸس تٶراعاسىنىڭ ورىنباسارى گٷلميرا يسيمباەۆا.
ونىڭ سٶزٸنە قاراعاندا, جوسپار بٸرنەشە بٶلٸمنەن تۇرادى.
سونىڭ ٸشٸندە 2020 جىلعى قاراشادا «قازاقستان رەسپۋبليكاسى پرەزيدەنتٸنٸڭ 2020 جىلعى 1 قىركٷيەكتەگٸ جولداۋى اياسىندا ازاماتتارعا زاڭ كٶمەگٸن كٶرسەتۋ سالاسىن جەتٸلدٸرۋ» تاقىرىبىندا پارلامەنتتٸك تىڭداۋ ٶتكٸزۋ جوسپارلانىپ وتىر. سونداي-اق ەلدەگٸ سانيتارييالىق-ەپيدەميولوگييالىق جاعدايدى ەسكەرە وتىرىپ, كوميتەتتەردٸڭ كٶشپەلٸ وتىرىستارىن مەملەكەتتٸك ورگانداردىڭ, ٷكٸمەتتٸك ەمەس ۇيىمداردىڭ, بيزنەس قۇرىلىمداردىڭ قاتىسۋىمەن بەينە-كونفەرەنتس بايلانىس فورماتىندا كەڭەيتٸلگەن تاقىرىپتىق وتىرىستارعا اۋىستىرۋ ۇسىنىلادى.
«مىسالى, ەكولوگييا كوميتەتٸ بەيٸندٸ مينيسترلٸك پەن بٸرنەشە وبلىستاردى تارتا وتىرىپ, ەكولوگييالىق كودەكستٸ تالقىلاۋ بويىنشا وتىرىس ٶتكٸزۋدٸ جوسپارلاۋدا. بۇل وتىرىس مەملەكەت باسشىسىنىڭ جىل سوڭىنا دەيٸن ەكولوگييالىق كودەكستٸ قابىلداۋعا قاتىستى تاپسىرماسى اياسىندا ٶزەكتٸ سيپات الىپ وتىر.ال, اگرارلىق مەسەلەلەر كوميتەتٸ مينيسترلٸكتەردٸڭ, الماتى جەنە جامبىل وبلىستارى ماماندارىنىڭ قاتىسۋىمەن, ەلەۋمەتتٸك مەنٸ بار ازىق-تٷلٸك تاۋارلارىمەن حالىقتىڭ ٶزٸن-ٶزٸ قامتاماسىز ەتۋٸ ماقساتىندا اۋىل شارۋاشىلىعى كووپەراتسيياسىن دامىتۋ مەسەلەلەرٸن قاراۋدى ۇسىندى.
وسىلايشا, وبلىستاردىڭ پروبلەمالارى تالقىلانىپ, ٶڭٸرلەرمەن بايلانىس ساقتالادى», - دەدٸ گ. يسيمباەۆا.
سونىمەن قاتار, اعىمداعى سەسسييانىڭ بٸرٸنشٸ جارتىسىندا ارنايى كەستە بويىنشا جەتٸ ٷكٸمەت ساعاتىن ٶتكٸزۋ جوسپارعا الىندى. سونداي-اق, مەجٸلٸس قاتىساتىن, پارلامەنتتٸڭ پارلامەنتارالىق جەنە حالىقارالىق قىزمەتٸنە بايلانىستى ٸس-شارالار, حالىقارالىق كونفەرەنتسييالار, دٶڭگەلەك ٷستەلدەر بەينە-كونفەرەنتس بايلانىس فورماتىندا ٶتكٸزٸلەتٸن بولادى.
«قولدارىڭىزدا جوسپاردىڭ جوباسى بار. ول بويىنشا وسى سەسسيياعا 30-عا جۋىق نەگٸزگٸ ٸس-شارا جوسپارلانىپ, ولار ساپالى زاڭ جوبالارىن دايىنداۋعا جەنە قابىلداۋعا باعىتتالعان. التىنشى سايلانعان پارلامەنت مەجٸلٸسٸنٸڭ التىنشى سەسسيياسىنا ارنالعان نەگٸزگٸ ٸس-شارالار جوسپارىن بەكٸتۋدٸ سۇرايمىن», - دەدٸ مەجٸلٸس تٶراعاسىنىڭ ورىنباسارى.
