Parlament Senatynyń jalpy otyrysynda «Qazaqstan Respýblikasynyń keibir zańnamalyq aktilerine lotereialar jáne lotereia qyzmeti máseleleri boiynsha ózgerister men tolyqtyrýlar engizý týraly» Zańy eki oqylymda qaralyp, qabyldandy, dep habarlaidy QazAqparat.
QR Mádeniet jáne sport ministri Aqtoty Raiymqulova zań jobasyna engizilgen ózgertýler men tolyqtyrýlar týraly aityp berdi.
Atap aitqanda, lotereia operatory bolyp sanalmaityn tulǵanyń lotereia oiyndaryn júrgizgeni úshin ákimshilik jaýapkershiliktiń engizilýi eskerilgen. Osy oraida jeke tulǵalarǵa - júz ailyq eseptik kórsetkish mólsherinde, shaǵyn biznes nemese kommertsiialyq emes uiymdar úshin - úsh júz, orta biznes úshin - bes júz, iri biznes úshin bir myń ailyq eseptik kórsetkish mólsherinde aiyppul salynady.
«Al bir jyl ishinde qaitalanyp jasalǵan zańsyz is-áreketter úshin jeke tulǵalarǵa eki júz, shaǵyn kásipkerlik sýbektilerine nemese kommertsiialyq emes uiymdarǵa - jeti júz elý, orta kásipkerlik sýbektilerine – bir myń, iri biznes úshin eki myń ailyq eseptik kórsetkish mólsherinde aiyppul salynyp, ákimshilik quqyq buzýshylyqtyń tabystary tárkilenedi», - dep túsindirdi ministr.
Ministrdiń sózine qaraǵanda, lotereia operatorymen nemese taratýshylarymen (agentterimen) lotereia operatorymen qurylǵan komissiialyq kelisimshart aiasynda ornalastyrylǵan jarnamadan bólek lotereia jarnamasyna tyiym salynady.
Budan buryn habarlanǵandai, Aqtoty Raiymqulova lotereia operatorynyń jalpy ainalymdaǵy qarjysy týraly aitty.
«Lotereialar jáne lotereia qyzmeti týraly» Zań 2016 jylǵy 9 sáýirde qabyldanǵan bolatyn jáne búgingi ýaqytta zańnama deńgeiinde óz sheshimin qajet etetin, biraz máseleler anyqtaldy. 2017 jylǵy № 48 Úkimet qaýlysymen «Sátti Juldyz» Aktsionerlik Qoǵamy lotereia operatory bolyp 15 jyl merzimge anyqtaldy. Lotereia operatorynyń qyzmetkerleriniń sany 748 adamdy quraidy. Respýblika boiynsha 3 myńǵa jýyq taratýshy (agentter) sany shaǵyn jáne orta kásipkerlerden turady.
