پارلامەنت سەناتىنىڭ جالپى وتىرىسىندا «قازاقستان رەسپۋبليكاسىنىڭ كەيبٸر زاڭنامالىق اكتٸلەرٸنە لوتەرەيالار جەنە لوتەرەيا قىزمەتٸ مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭى ەكٸ وقىلىمدا قارالىپ, قابىلداندى, دەپ حابارلايدى قازاقپارات.
قر مەدەنيەت جەنە سپورت مينيسترٸ اقتوتى رايىمقۇلوۆا زاڭ جوباسىنا ەنگٸزٸلگەن ٶزگەرتۋلەر مەن تولىقتىرۋلار تۋرالى ايتىپ بەردٸ.
اتاپ ايتقاندا, لوتەرەيا وپەراتورى بولىپ سانالمايتىن تۇلعانىڭ لوتەرەيا ويىندارىن جٷرگٸزگەنٸ ٷشٸن ەكٸمشٸلٸك جاۋاپكەرشٸلٸكتٸڭ ەنگٸزٸلۋٸ ەسكەرٸلگەن. وسى ورايدا جەكە تۇلعالارعا - جٷز ايلىق ەسەپتٸك كٶرسەتكٸش مٶلشەرٸندە, شاعىن بيزنەس نەمەسە كوممەرتسييالىق ەمەس ۇيىمدار ٷشٸن - ٷش جٷز, ورتا بيزنەس ٷشٸن - بەس جٷز, ٸرٸ بيزنەس ٷشٸن بٸر مىڭ ايلىق ەسەپتٸك كٶرسەتكٸش مٶلشەرٸندە ايىپپۇل سالىنادى.
«ال بٸر جىل ٸشٸندە قايتالانىپ جاسالعان زاڭسىز ٸس-ەرەكەتتەر ٷشٸن جەكە تۇلعالارعا ەكٸ جٷز, شاعىن كەسٸپكەرلٸك سۋبەكتٸلەرٸنە نەمەسە كوممەرتسييالىق ەمەس ۇيىمدارعا - جەتٸ جٷز ەلۋ, ورتا كەسٸپكەرلٸك سۋبەكتٸلەرٸنە – بٸر مىڭ, ٸرٸ بيزنەس ٷشٸن ەكٸ مىڭ ايلىق ەسەپتٸك كٶرسەتكٸش مٶلشەرٸندە ايىپپۇل سالىنىپ, ەكٸمشٸلٸك قۇقىق بۇزۋشىلىقتىڭ تابىستارى تەركٸلەنەدٸ», - دەپ تٷسٸندٸردٸ مينيستر.
مينيستردٸڭ سٶزٸنە قاراعاندا, لوتەرەيا وپەراتورىمەن نەمەسە تاراتۋشىلارىمەن (اگەنتتەرٸمەن) لوتەرەيا وپەراتورىمەن قۇرىلعان كوميسسييالىق كەلٸسٸمشارت اياسىندا ورنالاستىرىلعان جارنامادان بٶلەك لوتەرەيا جارناماسىنا تىيىم سالىنادى.
بۇدان بۇرىن حابارلانعانداي, اقتوتى رايىمقۇلوۆا لوتەرەيا وپەراتورىنىڭ جالپى اينالىمداعى قارجىسى تۋرالى ايتتى.
«لوتەرەيالار جەنە لوتەرەيا قىزمەتٸ تۋرالى» زاڭ 2016 جىلعى 9 سەۋٸردە قابىلدانعان بولاتىن جەنە بٷگٸنگٸ ۋاقىتتا زاڭناما دەڭگەيٸندە ٶز شەشٸمٸن قاجەت ەتەتٸن, بٸراز مەسەلەلەر انىقتالدى. 2017 جىلعى № 48 ٷكٸمەت قاۋلىسىمەن «سەتتٸ جۇلدىز» اكتسيونەرلٸك قوعامى لوتەرەيا وپەراتورى بولىپ 15 جىل مەرزٸمگە انىقتالدى. لوتەرەيا وپەراتورىنىڭ قىزمەتكەرلەرٸنٸڭ سانى 748 ادامدى قۇرايدى. رەسپۋبليكا بويىنشا 3 مىڭعا جۋىق تاراتۋشى (اگەنتتەر) سانى شاعىن جەنە ورتا كەسٸپكەرلەردەن تۇرادى.
