Parlament Senatynyń jalpy otyrysynda Qazaqstan Respýblikasynyń Úkimeti men Qyrǵyz Respýblikasynyń Úkimeti arasyndaǵy kóshi-qon salasyndaǵy yntymaqtastyq týraly kelisimdi ratifikatsiialaý týraly» Zańy qabyldandy, dep habarlaidy QazAqparat.
Kelisimge 2019 jyly 27 qarashada Bishkek qalasynda qol qoiyldy.
Bul qujat azamattyq týraly aqparat almasýǵa, zańsyz kóshi-qonmen kúresýge múmkindik beredi.
«Naqty aitsaq, statistika men aqparat almasýǵa múmkindik bar. Azamattar týraly jeke aqparat alýǵa bolady. Eki el úkimetteri tájiribe almasyp, bir-birine praktikalyq kómek kórsetedi. Kóshi-qon salasyndaǵy qylmystarmen kúresip, zańsyz kanaldardy joiýǵa múmkindik bar. Qyrǵyzstan Parlamenti kelisimdi 2021 jylǵy 17 aqpanda bekitti», - dedi QR Ishki ister ministri Erlan Turǵymbaev.
Onyń aitýynsha, ótken jyly Qazaqstanǵa Qyrǵyzstannan 281 myńnan astam azamat keldi, osy jyly 3 aida 32 myńnan asty.
«Al Qazaqstannan byltyr 175 myń azamat Qyrǵyzstanǵa barǵan. Osy jyly 3 aida 36 myńnan asty. Qazaqstan osyndai kelisimdi Ózbekstan, Tájikstan, Ázerbaijan jáne Belarýs memleketimen jasady. Osy Zań azamattyq týraly aqparat almasýǵa, zańsyz kóshi-qondy retteýge, qos azamattyqpen kúresýge baǵyttalǵan. Áleýmettik-ekonomikalyq jáne quqyqtyq teris saldarǵa ákep soqpaidy, sondai-aq qosymsha qarajat talap etpeidi», - dedi ministr.
