پارلامەنت سەناتىنىڭ جالپى وتىرىسىندا قازاقستان رەسپۋبليكاسىنىڭ ٷكٸمەتٸ مەن قىرعىز رەسپۋبليكاسىنىڭ ٷكٸمەتٸ اراسىنداعى كٶشٸ-قون سالاسىنداعى ىنتىماقتاستىق تۋرالى كەلٸسٸمدٸ راتيفيكاتسييالاۋ تۋرالى» زاڭى قابىلداندى, دەپ حابارلايدى قازاقپارات.
كەلٸسٸمگە 2019 جىلى 27 قاراشادا بٸشكەك قالاسىندا قول قويىلدى.
بۇل قۇجات ازاماتتىق تۋرالى اقپارات الماسۋعا, زاڭسىز كٶشٸ-قونمەن كٷرەسۋگە مٷمكٸندٸك بەرەدٸ.
«ناقتى ايتساق, ستاتيستيكا مەن اقپارات الماسۋعا مٷمكٸندٸك بار. ازاماتتار تۋرالى جەكە اقپارات الۋعا بولادى. ەكٸ ەل ٷكٸمەتتەرٸ تەجٸريبە الماسىپ, بٸر-بٸرٸنە پراكتيكالىق كٶمەك كٶرسەتەدٸ. كٶشٸ-قون سالاسىنداعى قىلمىستارمەن كٷرەسٸپ, زاڭسىز كانالداردى جويۋعا مٷمكٸندٸك بار. قىرعىزستان پارلامەنتٸ كەلٸسٸمدٸ 2021 جىلعى 17 اقپاندا بەكٸتتٸ», - دەدٸ قر ٸشكٸ ٸستەر مينيسترٸ ەرلان تۇرعىمباەۆ.
ونىڭ ايتۋىنشا, ٶتكەن جىلى قازاقستانعا قىرعىزستاننان 281 مىڭنان استام ازامات كەلدٸ, وسى جىلى 3 ايدا 32 مىڭنان استى.
«ال قازاقستاننان بىلتىر 175 مىڭ ازامات قىرعىزستانعا بارعان. وسى جىلى 3 ايدا 36 مىڭنان استى. قازاقستان وسىنداي كەلٸسٸمدٸ ٶزبەكستان, تەجٸكستان, ەزەربايجان جەنە بەلارۋس مەملەكەتٸمەن جاسادى. وسى زاڭ ازاماتتىق تۋرالى اقپارات الماسۋعا, زاڭسىز كٶشٸ-قوندى رەتتەۋگە, قوس ازاماتتىقپەن كٷرەسۋگە باعىتتالعان. ەلەۋمەتتٸك-ەكونوميكالىق جەنە قۇقىقتىق تەرٸس سالدارعا ەكەپ سوقپايدى, سونداي-اق قوسىمشا قاراجات تالاپ ەتپەيدٸ», - دەدٸ مينيستر.
