Keshe Parlament palatalarynyń birlesken otyrysynda «Qazaqstan Respýblikasy Táýelsizdiginiń 25 jyldyǵy Deklaratsiiasy» qabyldandy.
Kún tártibinde qos Palata tóraǵalarynyń atyna bir top depýtattardan joldanǵan Qazaqstan Respýblikasy Táýelsizdiginiń jiyrma bes jyldyǵy Deklaratsiiasyn qabyldaý týraly úndeýine bailanysty bir ǵana másele qaraldy.
Májilis Spikeri Qazaqstan Respýblikasy Táýelsizdiginiń 25 jyldyǵy Deklaratsiiasy óte mańyzdy tarihi kezeńge arnalǵan qujat ekenin alǵa tarta kelip: - Osy ýaqyttyń ishinde, barlyq jetistikter men tabystar, eń aldymen Tuńǵysh Prezidentimiz– Elbasy Nursultan Ábishuly Nazarbaevtyń eren eńbeginiń jemisi. Sonymen birge, árqashanda prezidentimizge qoldaý kórsetip, tirek bolyp kele jatqan halqymyzdyń bereke-birliginiń nátijesi. Sondyqtan, Parlamentte osy tarihi qujatty qarastyrý - ol kele jatqan Táýelsizdik mereitoiynyń erekshe mańyzdylyǵyn kórsetedi,-dedi.
Depýtattar nazaryna usynylyp otyrǵan Deklaratsiia mátininiń jobasyn Májilis depýtaty Qýanysh Sultanov jariia etti. Deklaratsiiada Qazaqstan Prezidentiniń basshylyǵymen 25 jyl ishinde jetken jetistikterdiń jarqyn kórinisi jan-jaqty baiandala kelip, Elordada «Táýelsiz Qazaqstan» monýmentin turǵyzý, El Konstitýtsiiasynda Tuńǵysh Prezident – Elbasy Nursultan Ábishuly Nazarbaevtyń bizdiń memleketimizdi qurýdaǵy biregei úlesin atap ótý, Elbasynyń esimin elordanyń ataýynda jáne elimizdiń basqa da mańyzdy nysandarynda kórsetý týraly usynystar aitylǵan.
Odan ári depýtattar Muhtar Altynbaev, Nurtai Sabilianov, Serik Aqylbai, Vladislavý Kosarev, Aqan Bijanov, Irina Aronova, Olga Perepechina, Azat Perýashev, Eleýsin Saǵyndyqov, Baqytgúl Hamenova sóz sóilep, deklaratsiianyń máni men mańyzdylyǵyn jan-jaqty tarqatty jáne qoldaityndyqtaryn bildirdi.
Mańyzdy qujat eki Palata depýtattarynyń shynaiy qoldaýyna ie bolyp, Deklaratsiiany qabyldaý týraly arnaiy Qaýly qabyldandy. Májilis Spikeri bul Qazaqstanymyz úshin, sonyń ishinde, Parlament úshin erekshe oryn alatyn mańyzdy qujat ekenin, ol bizdiń búgingi tarihymyz jáne bolashaq urpaǵymyzǵa qaldyratyn baǵaly muramyz ekenin aityp, jinalǵandardy tarihi qujattyń qabyldanýymen quttyqtady.
Birlesken otyrysqa Respýblikamyzdyń Premer-Ministri, Memlekettik hatshysy,Prezident Ákimshiliginiń basshysy, Konstitýtsiialyq Keńestiń, Joǵarǵy Sottyń jáne Ortalyq sailaý komissiiasynyń tóraǵalary, Úkimet músheleri, Respýblika Prezidentine tikelei baǵynatyn jáne esep beretin memlekettik organdardyń basshylary, Prezident Ákimshiliginiń, Premer-Ministr Keńsesiniń, Parlament Palatalary apparattarynyń jaýapty qyzmetkerleri jáne buqaralyq aqparat quraldarynyń ókilderi qatysty.
Ult portaly QR Parlament májilisiniń resmi saityna súiene otyryp, atalǵan qujattyń tolyq mátinin nazarlaryńyzǵa usynady.
QAZAQSTAN RESPÝBLIKASY TÁÝELSIZDIGINIŃ
JIYRMA BES JYLDYǴY
DEKLARATsIIaSY
Qazaqstan Respýblikasynyń Parlamenti
Qazaqstan Táýelsizdigin halqymyzdyń asa zor qundylyǵy retinde baǵalai otyryp,
Táýelsiz Qazaqstandy qurý jáne qalyptastyrýda eren eńbek sińirgen Qazaqstan Respýblikasynyń Tuńǵysh Prezidenti – Elbasy Nursultan Ábishuly Nazarbaevtyń strategiialyq baǵytyna berik ustanymyn tanyta otyryp,
«Qazaqstan-2050» Strategiiasynyń basty maqsatyna jetýdi bolashaq urpaq aldyndaǵy óziniń tarihi paryzy jáne jaýapkershiligi dep sezine otyryp,
«Máńgilik El» qasterli mekeninde jarqyn keleshegimizdi jasaýǵa umtyla otyryp,
Qazaqstan Respýblikasy Táýelsizdiginiń jiyrma bes jyldyǵy Deklaratsiiasyn qabyldaidy.
* * *
Táýelsizdiktiń 25 jyldyq mereitoiy – óz tarihynda tuńǵysh ret zamanaýi memleket qurǵan Qazaqstan halqynyń aýqymdy tarihi jetistikteriniń jarqyn kórinisi.
Qazaqstan úshin Táýelsizdiktiń jiyrma bes jyly ilgerileý men ornyqty damýdyń kezeńi boldy. Táýelsiz Qazaqstan óziniń jańa tarihymen tabysty memleket jáne búkil Ortalyq Aziia óńiriniń kóshbasshysy atanýǵa quqyǵy bar ekendigin dáleldedi.
Óz Táýelsizdiginiń 25 jylynda Qazaqstan ekonomikasy qarqyndy damyǵan, tabysqa jetýdiń biregei tájiribesi bar saiasi turaqty memleket retinde qalyptasty.
Bizdiń elimizde ekonomikalyq, saiasi jáne áleýmettik salalarda asa iri ózgerister júzege asty.
Táýelsiz Qazaqstannyń barlyq jetistikteri men jeńisteri Qazaqstan Respýblikasynyń Tuńǵysh Prezidenti – Elbasy Nursultan Ábishuly Nazarbaevtyń tegeýrindi jáne dana basshylyǵymen árbir qazaqstandyqtyń tabandy da tynymsyz eńbeginiń arqasynda múmkin boldy.
Prezident N.Á. Nazarbaevtyń saiasi erik-jigeri jáne strategiialyq kóregendigi damýdyń qazaqstandyq úlgisiniń tabysty bolýyn aiqyndap, Qazaqstannyń ornyqty ósip-órkendeý jolyna shyǵýyna múmkindik týdyrdy.
Elimiz «Qazaqstan-2050» Strategiiasyn dáiekti túrde júzege asyra otyryp, álemniń ozyq 30 eliniń qataryna qosylýǵa qaryshty qadam basýda. Memleket basshysynyń baiypty jáne jemisti halyqaralyq bastamalarymen elimiz biik halyqaralyq bedelge ie bolyp, ǵalamdyq iadrolyq qarýsyzdaný qozǵalysynyń tanymal kóshbasshysyna ainaldy.
* * *
1991 jyly 16 jeltoqsanda Parlament «Qazaqstan Respýblikasynyń memlekettik táýelsizdigi týraly» Konstitýtsiialyq zańdy qabyldady.
Táýelsiz Qazaqstannyń bul tuńǵysh qujaty halqymyzdyń qýatty jáne pármendi memleket qurý armanynyń júzege asýyn aiǵaqtady. Zań Qazaqstan egemendiginiń onyń ulan-ǵaiyr aýmaǵynda jáne álemniń saiasi kartasynda myzǵymastyǵyn máńgilikke bekitip berdi.
Elimizdiń basty qujaty – Qazaqstan Respýblikasy Konstitýtsiiasyn 1995 jylǵy 30 tamyzdaǵy referendýmda búkil Qazaqstan halqy biraýyzdan qabyldady.
Konstitýtsiia egemendiktiń saiasi jáne quqyqtyq negizderin bekitip, adamnyń ómirin, quqyqtary men bostandyǵyn, tegine, áleýmettik jaǵdaiyna, násiline, ultyna, tiline, dinge qatystylyǵyna qaramastan, adam men azamat quqyqtarynyń teńdigin memlekettiń joǵary qundylyqtary dep jariialady.
Táýelsiz Qazaqstannyń Konstitýtsiiasy memleket pen qoǵamnyń turaqtylyǵy men órkendeýiniń myzǵymas negizine ainaldy.
Qazaqstanda tiimdi demokratiialyq institýttar – prezidenttik institýty, Parlament, sot júiesi jáne belsendi azamattyq qoǵam qalyptasty.
Elimizde jahandyq syn-qaterlerge tótep berýge jáne búkil qoǵamnyń múddeleriniń júzege asýyn qamtamasyz etýge qabiletti memlekettik qurylymnyń tiimdi júiesin qurýǵa múmkindik bergen tarihi mańyzdy ekonomikalyq jáne saiasi reformalar júrgizildi.
Táýelsizdiktiń alǵashqy kúnderinen bastap elimizdiń saiasaty uzaq merzimge negizdeldi, qazaqstandyqtardyń ál-aýqaty, ómirdiń joǵary sapasyna júieli de maqsatty umtylysy onyń basty ustanymdary boldy jáne solai bolyp qala beredi.
Qazaqstan álemniń básekege eń qabiletti 50 eliniń qataryna endi.
Álemniń eń damyǵan 30 eliniń qataryna kirýdi maqsat etip qoiǵan «Qazaqstan-2050» Strategiiasy jańa sipattaǵy strategiialyq qujat bolyp tabylady.
Memleket basshysynyń «100 naqty qadam: barshaǵa arnalǵan qazirgi zamanǵy memleket» Ult jospary álemdik qarjy júiesindegi asa jaǵymsyz qubylystarǵa qaramastan, elimizde óndiris pen innovatsiiany, áleýmettik salany damytýǵa jáne jumys oryndaryn ashýǵa múmkindik beredi.
Qazaqstan iadrolyq qaýipsizdik reitinginde eń qaýipsiz elderdiń qataryna kiredi.
Prezident N.Á. Nazarbaev Qazaqstandy elimizdiń ulttyq múddelerine nuqsan keltirmesten iadrolyq qarýsyz memleketke ainaldyrý jónindegi tarihi mańyzdy mindetti sheshe bildi.
1991 jylǵy 29 tamyzda Elbasy Semei iadrolyq poligonyn japty. Qazaqstan Prezidenti óz eliniń ǵana emes, sondai-aq búkil adamzattyń taǵdyry úshin ózine jaýapkershilik ala otyryp, álemdik deńgeidegi saiasatker retinde tanyldy.
Semei poligonynyń jabylýymen iadrolyq qarýdy taratpaýdyń jáne qarýsyzdanýdyń jahandyq protsesiniń jańa kezeńi bastaldy.
Qazaqstannyń bastamasy boiynsha BUU 29 tamyzdy Iadrolyq synaqtarǵa qarsy is-qimyldyń halyqaralyq kúni dep jariialady.
Qazaqstan iadrolyq qarýdy taratpaý rejimin nyǵaitý jónindegi naqty usynystaryn alǵa tartyp, Iadrolyq qarýsyz álemniń jalpyǵa ortaq deklaratsiiasyn qabyldaýdy usyndy.
Táýelsizdiktiń 25 jylynda qazaqstandyq diplomatiia álem elderiniń basym bóligimen senimdi dostyq jáne yntymaqtastyq qarym-qatynastar ornatyp, halyqaralyq uiymdardyń qyzmetine belsendi túrde aralasyp keledi.
Bizdiń elimiz álemdik qoǵamdastyqta ornyn nyq aiqyndap, laiyqty qurmet pen bedelge ie bolyp otyr.
Álemde aýmaǵy jóninen toǵyzynshy oryn alatyn Qazaqstan Respýblikasynyń shekarasyn delimitatsiialaý men demarkatsiialaý Prezident N.Á. Nazarbaevtyńtarihi jetistikteri bolyp tabylady.
Qazaqstan óńirlik jáne jahandyq protsesterdiń belsendi qatysýshysy bola otyryp, halyqaralyq qaýipsizdikti nyǵaitýǵa qomaqty úles qosýda.
«Eýropaǵa jol» memlekettik baǵdarlamasyn júzege asyrý Qazaqstannyń Eýropanyń jetekshi memleketterimen áriptestik pen yntymaqtastyqtyń barynsha joǵary deńgeiine shyǵýyna jol ashty.
Qazaqstan yntymaqtastyqtyń eýraziialyq kópirine ainaldy.
Bizdiń elimiz EAEO, ShYU, AÓSShK sekildi integratsiialyq jobalardyń bastamashysy jáne ilgeriletýshisi bolyp tabylady.
Qazaqstan EQYU, IYU, EAEO, ShYU, TMD, UQShU, AÓSShK jáne Túrki keńesi siiaqty iri halyqaralyq uiymdarda tabysty tóraǵalyq etýdiń tájiribesine ie.
Táýelsizdiginiń 25 jyldyǵy qarsańynda Qazaqstan Ortalyq Aziia elderiniń arasynda alǵashqy bolyp 2017-2018 jyldarǵa BUU Qaýipsizdik Keńesiniń turaqty emes múshesi bolyp sailandy.
Halyqaralyq qoǵamdastyq Qazaqstannyń halyqaralyq qatynastardy damytýdaǵy úlesin laiyqty baǵalai otyryp, bizdiń elimizge EKSPO-2017 halyqaralyq mamandandyrylǵan kórmesin ótkizýdi senip tapsyrdy.
Táýelsizdik jyldarynda Qazaqstannyń Qarýly Kúshteri elimizdiń senimdi qalqanyna ainaldy.
Prezident – Joǵarǵy Bas qolbasshy N.Á. Nazarbaev Qazaqstan Respýblikasynyń táýelsizdigin, aýmaqtyq tutastyǵyn, onyń shekarasynyń myzǵymastyǵyn, halqymyzdyń beibit jáne tynysh ómirin senimdi qorǵaýǵa qabiletti Qarýly Kúshterdiń túbegeili reformalaýdy, áskeri qýaty men áleýetin arttyrýdy qamtamasyz etti.
Táýelsizdiktiń 25 jylynda Qazaqstanda joǵary ekonomikalyq kórsetkishterge qol jetkizildi.
Memleket basshysy N.Á. Nazarbaev Qazaqstan halqyn dáiekti túrde eń joǵary álemdik kórsetkishterge jetýge baǵyttap keledi.
«Qazaqstan-2050» Strategiiasy, «Nurly jol» jańa ekonomikalyq saiasaty, «100 naqty qadam» Ult jospary – álemniń eń damyǵan memleketteriniń qataryna kirýge qabiletti Qazaqstannyń qýatyn nyǵaitýǵa baǵyttalǵan josparlar.
Bizdiń básekeles bolatyn biregei basymdyqtarymyz – Qazaqstannyń mol tabiǵi bailyǵy, aýyl sharýashylyq, kommýnikatsiialyq jáne tranzittik áleýeti elimizdiń ekonomikalyq jetistikteriniń negizine ainaldy.
Búginde Qazaqstan – jekemenshik institýty ornyqqan, orta tap belsendi damityn, al kásipkerlik ekonomikalyq órkendeýdiń qozǵaýshy kúshi bolyp tabylatyn turaqty naryqtyq ekonomikasy bar el.
Elbasynyń strategiialyq kóregendigi arqasynda Qazaqstanda jahandyq qarjylyq-ekonomikalyq daǵdarystarǵa qaramastan, el ekonomikasyn jańǵyrtý tabysty júzege asyrylyp jatyr.
Qazaqstan indýstriialyq qýatyn nyǵaitý men innovatsiiany damytýdy nyq kózdep otyr.
Aýqymdy qurylymdyq reformalar barysynda múlde jańa joǵary tehnologiialy salalar: munai-himiia, avtomobil ónerkásibi, temirjol mashina jasaý, IT-tehnologiialar, ǵaryshtyq spýtnikter óndirisi salalary quryldy.
Elbasynyń bastamasy boiynsha ár azamattyń ómir súrý deńgeiin arttyrýǵa baǵyttalǵan «Biznestiń jol kartasy-2020», «Agrobiznes-2020», «Jumyspen qamtý-2020» baǵdarlamalary júzege asyrylyp jatyr.
Táýelsizdiktiń mereili 25 jylynda Qazaqstan Álemdik banktiń Doing Business reitinginde 35 oryn aldy.
Elimizde jańa ekonomikalyq umtylysty qamtamasyz etýge múmkindik beretin «Nurly jol» baǵdarlamasy, «Batys Eýropa - Batys Qytai» halyqaralyq kólik dálizi, Transkaspii halyqaralyq kólik marshrýty sekildi birqatar strategiialyq mańyzdy infraqurylymdyq jobalar júzege asyrylyp otyr.
Jańa elordamyz Astanany qurýdaǵy airyqsha ról elimizdiń Tuńǵysh Prezidenti N.Á. Nazarbaevqa tiesili.
Astana Qazaqstan Táýelsizdiginiń saltanat qurýyn pash etip, halqymyzdyń maqtanyshyna ainaldy.
Astana qurylysy jańa memlekettiń, jańa qoǵamnyń qurylysy retinde kieli mánge ie boldy.
Astana ótkenniń barlyq qundylyqtaryn jinaqtap, bolashaqtyń jarqyn kelbetin elestetti. Búginde Astana – óz kúshine senimdi, jańa Qazaqstannyń búkil álemge áleýetin tanytqan iri iskerlik ortalyq.
Astana sammitter men basqa da mańyzdy halyqaralyq kezdesýlerdi ótkizetin iri ortalyqqa ainaldy, elimizdiń basqa qalalary úshin damýdyń úlgisi boldy.
Astananyń ózinde 2017 jyly «Bolashaqtyń energiiasy» innovatsiialyq kún tártibimen EKSPO-2017 halyqaralyq mamandandyrylǵan kórmesi ótetin bolady.
Qazaqstan konfessiiaaralyq jáne etnosaralyq tatýlyq pen kelisim ústemdik qurǵan memleket damýynyń búkil álemde tanylǵan jańa biregei modelin qurdy.
Memleket basshysy Qazaqstan halqy birligin nyǵaitýdyń konstitýtsiialyq mártebesi bar airyqsha institýty – Qazaqstan halqy Assambleiasyn qurdy.
Álemdik dinderdiń, tilderdiń, mádenietter men dástúrlerdiń toǵysyndaǵy tarihi aralasýy Qazaqstanda beibitshilik pen kelisim áleýmettiń adamgershilik jáne ádep normasyna, ortaq mádenietimizdiń ajyramas bóligine ainalǵan qoǵamnyń airyqsha úlgisin qalyptastyrdy.
Ol kópetnostyq pen kópkonfessiialylyqty Qazaqstannyń strategiialyq resýrsyna jáne artyqshylyǵyna ainaldyra otyryp, rýhanilyq pen azamattyqtyń quryshtai quimasyn meilinshe bekemdei tústi.
N.Á. Nazarbaevtyń beibitshilik pen qoǵamdyq kelisim modeli qoǵamnyń úilesimdi damýynyń álemdik etalonyna ainaldy.
«Máńgilik El» qundylyqtary Táýelsizdik jetistikterin, Qazaqstan halqynyń múddeler ortaqtastyǵy men tarihi taǵdyryn kórneki beinelep berdi.
«Máńgilik Eldiń» jeti qundylyǵy qazaqstandyqtardyń Táýelsizdikti nyǵaitýǵa, erkin de órkendegen elde ómir súrýge umtylysyn – ortaq maqsatyn, ortaq múddeleri men ortaq bolashaǵyn biriktirdi.
Qazaqstan halqy qabyldaǵan «Máńgilik El» Patriottyq aktisi qýatty jumyldyrýshy bastaýǵa, qoǵamdyq kelisimdi nyǵaitýdyń ózegine, búkil qoǵamnyń múddeleri men umtylysyn birtutas turǵyda bekemdeý quralyna ainaldy.
Basty baǵdary Jalpyǵa ortaq eńbek qoǵamy qundylyqtary bolyp tabylatyn áleýmettik turaqtylyq qoǵamy quryldy.
Qazaqstan táýelsizdigin alǵan sátten bastap Prezident N.Á. Nazarbaev halyq aldyna áleýmettik baǵdarly naryqtyq ekonomikasy bar qýatty egemen memleket qurý mindetin qoidy.
Áleýmettik jańǵyrtý áleýmettik progrestiń ekonomikalyq erkindikteri men idealdaryn úilestikpen óristetip, qoǵam men árbir adamnyń ál-aýqatynyń artýy úshin jaǵdai jasady, qarqyndy damityn eńbek naryǵyn qurýǵa múmkindik berdi.
25 jylda bala týý deńgeii 60 paiyzǵa ósti. Qazaqstan analar úshin qolaily elder reitinginde jyl saiyn joǵary kóterilip keledi.
Biz qazaqstandyqtardyń ómir súrý jasyn uzartýǵa qol jetkizdik.
Eńbek adamynyń múddeleri – bizdiń memleketimizdiń basty nazarynda.
Memleket qazaqstandyqtardyń oqýy men kásibi daǵdylaryn únemi jetildirip otyrýy úshin jaǵdai jasaidy, erkin eńbekke jáne laiyqty eńbekaqy alýǵa múddeli árbir azamattyń konstitýtsiialyq quqyqtaryn qamtamasyz etý úshin óndirister, infraqurylymdar jáne basqa da nysandar qurylysyn júrgizedi.
Bilim berý salasyn keshendi reformalaý Qazaqstannyń álemdik bilim berý keńistiginde laiyqty oryn alýyna jaǵdai jasady.
Otandyq bilim berý júiesi men ǵylymdy jetildirý memlekettik saiasattyń strategiialyq basymdyqtarynyń biri jáne eldi áleýmettik-ekonomikalyq jańǵyrtýdyń sheshýshi tetigi bolyp tabylady.
Qazaqstan eresek adamdardyń saýattylyǵy deńgeii boiynsha Adam damýy indeksi álemdik tizimniń alǵashqy úshten birine kiredi.
Qazaqstan ziiatker ultty qalyptastyrý úshin dáiekti túrde jaǵdai jasai otyryp, adam damýynyń deńgeii joǵary elder tobynan nyq oryn aldy.
Prezident bastamasynyń arqasynda elde erekshe sipatty «Bolashaq» baǵdarlamasy udaiy júzege asyrylýda, «Nazarbaev Ýniversiteti», ziiatkerlik mektepterdiń keń taraǵan jelisi quryldy.
Elimizdiń kóptegen joǵary oqý oryndarynda ýniversitettik bilim berý deńgeii kóterilip keledi. Barlyq óńirlerde myńnan astam zamanaýi mektepter salyndy.
Ult densaýlyǵy, densaýlyq saqtaý salasyn damytý jáne salamatty ómir saltyn qalyptastyrý ekonomikalyq jáne áleýmettik damýdyń mańyzdy faktorlaryna ainaldy.
Otandyq densaýlyq saqtaý salasy álemdik standarttar deńgeiine kóterildi: zamanaýi meditsina ortalyqtary, aýrýhanalar men emhanalar salyndy, elimizdiń barlyq óńirlerinde zertteýler men joǵary tehnologiialy operatsiialardyń búkil spektri júzege asyrylýda. Qazaqstan eýraziialyq keńistikte meditsinalyq týrizmniń ortalyǵyna ainalyp keledi.
Halyq densaýlyǵy kórsetkishterinde BUU Dúniejúzilik densaýlyq saqtaý uiymy moiyndaǵan aitarlyqtai oń ózgeristerge qol jetkizildi.
Qarjy resýrstarymen jáne joǵary shyǵarmashylyq qaitarymmen nyǵaityla túsken mádeniet salasy qýatty damý serpinine ie boldy.
Prezident N.Á. Nazarbaevtyń bastamasy boiynsha iske asyrylǵan «Mádeni mura» baǵdarlamasy otandyq mádenietti saqtaý men damytý jónindegi keń aýqymdy jumystardyń bastamasy bolyp tabyldy.
Qoja Ahmet Iassaýi kesenesi, «Tańbaly» arheologiialyq kesheni siiaqty biregei otandyq eskertkishterdiń, sondai-aq «Saryarqa – Soltústik Qazaqstannyń dalalary men kólderi» tabiǵi mura nysandarynyń IýNESKO-nyń Búkilálemdik mádeni muralary tizimine enýi álemdik mańyzy bar oqiǵa bolyp tabylady.
Táýelsizdik jyldarynda sport pen salamatty ómir salty salasynda tamasha nátijelerge qol jetkizildi.
Sportshylarymyzdyń asa iri halyqaralyq jarystardaǵy tabystary qýatty jáne birlikshil sportshy ult ómir súretin Qazaqstannyń jańa beinesin jasady.
Búginde Qazaqstan sporty eń jaqsy damyǵan álemdegi 30 eldiń qataryna kiredi.
* * *
Táýelsizdiktiń Uly Joly máńgi bolýy tiis!
Elordada «Táýelsiz Qazaqstan» monýmentin turǵyzý qajet.
El Konstitýtsiiasynda Tuńǵysh Prezident – Elbasy Nursultan Ábishuly Nazarbaevtyń bizdiń memleketimizdi qurýdaǵy biregei úlesin atap ótýdi, Elbasynyń esimin elordanyń ataýynda jáne elimizdiń basqa da mańyzdy nysandarynda kórsetýdi usynamyz.
Bizdiń tutas maqsatymyz – Elbasy tóńiregine toptasyp, eń qymbat qazynamyz –táýelsiz Qazaqstandy kózimizdiń qarashyǵyndai saqtap jáne urpaqtarymyzǵa amanattap, «Máńgilik El» qundylyqtaryn qasterleý.
Táýelsizdik bizdiń eń basty uiystyrýshyqundylyǵymyz bolǵan, qazir de solai jáne bola da bermek.
Ult portaly
_________________________________________________________
Qazaqstan Respýblikasy Parlamenti Májilisiniń resmi saityna silteme jasalǵan kezde ǵana materialdardy kez-kelgen túrde paidalanýǵa jol beriledi
Aqparat kózi: http://www.parlam.kz/kk/mazhilis/news-details/id30042/1/1
Qazaqstan Respýblikasy Parlamentiniń Májilisi
