Búgin QR Parlamenti Májilisiniń jalpy otyrysynda «Qazaqstan Respýblikasynyń keibir zańnamalyq aktilerine ekstremizmge jáne terrorizmge qarsy is-qimyl máseleleri boiynsha ózgerister men tolyqtyrýlar engizý týraly» zańnyń jobasy boiynsha qorytyndy ázirleý máselesi qaralyp, barlyq depýtattar ony biraýyzdan maquldady. Atalǵan mindet Halyqaralyq ister, qorǵanys jáne qaýipsizdik komitetine júktelip otyr, dep xabarlaidy "Ult aqparat" BNews.kz portalyna silteme jasap.
Komitet tóraǵasy Máýlen Áshimbaevtyń aitýynsha, osy jumys aiasynda ekstremizm men terrorizmge qarsy kúres, qarý-jaraq ainalymy, kóshi-qon jáne taǵy basqa máseleler boiynsha ózgerister men tolyqtyrýlar engizý kózdelgen.
«Atalǵan zań jobasyn Elbasy sessiianyń ashylý barysynda arnaiy aityp ótti. Zań jobasyn qabyldaýdaǵy maqsat – terrorizm men ekstremizmge qarsy is-qimyl, qarý-jaraq ainalymyn jáne kóshi-qondy retteý salasyndaǵy zańnamany jetildirý. Komitet osy zań jobasyn jumysqa alýǵa jáne qorytyndy ázirleýge daiyn», -deidi M.Áshimbaev.
Budan bólek, komitet «Qazaqstan Respýblikasynyń Úkimeti men Atom energiiasy jónindegi xalyqaralyq agenttik arasyndaǵy Qazaqstan Respýblikasynda Atom energiiasy jónindegi xalyqaralyq agenttiktiń tómen baiytylǵan ýran bankin qurý týraly kelisimdi ratifikatsiialaý týraly», «Qazaqstan Respýblikasynyń Úkimeti men Resei Federatsiiasy Úkimetiniń arasyndaǵy qosarlanǵan salyq salýdy boldyrmaý jáne tabys kapitalǵa salyq tóleýden jaltarýǵa jol bermeý týraly konventsiia aiasynda Qazaqstan Respýblikasynyń jáne Resei Federatsiiasynyń ýákiletti organdary bergen rezidenttikti rastaityn resmi qujattardy taný tártibi týraly notalar almasý nysanyndaǵy kelisimdi ratifikatsiialaý týraly», sondai-aq «Qazaqstan Respýblikasynyń Úkimeti men Bilim, ǵylym jáne mádeniet máseleleri jónindegi Birikken Ulttar Uiymy (IýNESKO) arasyndaǵy Qazaqstan Respýblikasynda Ortalyq Aziia óńirlik gliatsiologiialyq ortalyǵyn qurý (2-sanat) týraly kelisimdi ratifikatsiialaý týraly» zań jobalary boiynsha qorytyndy ázirleidi.
