Qurban ait – qaiyrymdylyq pen meiirimdiliktiń meiramy. Osyǵan orai Parlament depýtattary Qazaqstan Musylmandary dini basqarmasymen birlesip, birqatar igi bastamany qolǵa aldy.
Bul týraly QR Parlamenti Senatynyń tóraǵasy Máýlen Áshimbaev óziniń Facebook-tegi paraqshasynda jazdy, dep habarlaidy QazAqparat.
«Sonyń aiasynda búgin elordamyzdaǵy «Green TAL Food» áleýmettik dámhanasyna arnaiy bardym. Bul jerde taǵdyrdyń túrli synaǵyna tap bolǵan jandar jumys isteidi. Dámhana qyzmetkerlerin ait merekesimen quttyqtap, olarǵa qurbandyqtyń eti salynǵan azyq-túlik qorjynyn tartý ettik. ⠀
Jalpy, sońǵy jyldary elimizde áleýmettik kásipkerlik jandanyp kele jatqanyn baiqaýǵa bolady. Kásiptiń bul túri Memleket basshysynyń da basty nazarynda. Biylǵy aqpanda Prezidentimiz áleýmettik kásipkerlermen kezdesip, mundai igilikti istiń qoǵam úshin mańyzy zor ekenin aitty. Sondyqtan aldaǵy ýaqytta osy baǵytta tyń bastamalar qolǵa alynady dep senemiz. ⠀
Qurban ait qarsańynda depýtattardyń bastamasymen meditsina qyzmetkerlerin qoldaýǵa arnalǵan aktsiia da uiymdastyryldy. Soǵan orai búgin Senat apparatynyń qyzmetkerleri indetpen kúrestiń aldyńǵy shebinde júrgen dárigerdiń úiine baryp, syi-siiapattar tabys etti.
Osylaisha, depýtattarymyz biylǵy Qurban aitty muqtaj jandarǵa, pandemiia kezinde óz isine adaldyq tanytqan meditsina qyzmetkerlerine qoldaý kórsetý arqyly atap ótýde. Árdaiym osylai bir-birimizge jaqsylyq jasap, qol ushyn sozsaq, kez kelgen synnan súrinbei ótetinimizge kúmán joq. Sondyqtan yrys-yntymaǵymyzdan ajyramaiyq.⠀⠀
Barshańyzdy qasietti merekemen quttyqtai otyryp, nietterińiz qabyl bolsyn dep tileimin. Ait múbárak bolsyn!», - dep jazdy Senat tóraǵasy.
