قۇربان ايت – قايىرىمدىلىق پەن مەيٸرٸمدٸلٸكتٸڭ مەيرامى. وسىعان وراي پارلامەنت دەپۋتاتتارى قازاقستان مۇسىلماندارى دٸني باسقارماسىمەن بٸرلەسٸپ, بٸرقاتار يگٸ باستامانى قولعا الدى.
بۇل تۋرالى قر پارلامەنتٸ سەناتىنىڭ تٶراعاسى مەۋلەن ەشٸمباەۆ ٶزٸنٸڭ Facebook-تەگٸ پاراقشاسىندا جازدى, دەپ حابارلايدى قازاقپارات.
«سونىڭ اياسىندا بٷگٸن ەلوردامىزداعى «Green TAL Food» ەلەۋمەتتٸك دەمحاناسىنا ارنايى باردىم. بۇل جەردە تاعدىردىڭ تٷرلٸ سىناعىنا تاپ بولعان جاندار جۇمىس ٸستەيدٸ. دەمحانا قىزمەتكەرلەرٸن ايت مەرەكەسٸمەن قۇتتىقتاپ, ولارعا قۇرباندىقتىڭ ەتٸ سالىنعان ازىق-تٷلٸك قورجىنىن تارتۋ ەتتٸك. ⠀
جالپى, سوڭعى جىلدارى ەلٸمٸزدە ەلەۋمەتتٸك كەسٸپكەرلٸك جاندانىپ كەلە جاتقانىن بايقاۋعا بولادى. كەسٸپتٸڭ بۇل تٷرٸ مەملەكەت باسشىسىنىڭ دا باستى نازارىندا. بيىلعى اقپاندا پرەزيدەنتٸمٸز ەلەۋمەتتٸك كەسٸپكەرلەرمەن كەزدەسٸپ, مۇنداي يگٸلٸكتٸ ٸستٸڭ قوعام ٷشٸن ماڭىزى زور ەكەنٸن ايتتى. سوندىقتان الداعى ۋاقىتتا وسى باعىتتا تىڭ باستامالار قولعا الىنادى دەپ سەنەمٸز. ⠀
قۇربان ايت قارساڭىندا دەپۋتاتتاردىڭ باستاماسىمەن مەديتسينا قىزمەتكەرلەرٸن قولداۋعا ارنالعان اكتسييا دا ۇيىمداستىرىلدى. سوعان وراي بٷگٸن سەنات اپپاراتىنىڭ قىزمەتكەرلەرٸ ٸندەتپەن كٷرەستٸڭ الدىڭعى شەبٸندە جٷرگەن دەرٸگەردٸڭ ٷيٸنە بارىپ, سىي-سيياپاتتار تابىس ەتتٸ.
وسىلايشا, دەپۋتاتتارىمىز بيىلعى قۇربان ايتتى مۇقتاج جاندارعا, پاندەمييا كەزٸندە ٶز ٸسٸنە ادالدىق تانىتقان مەديتسينا قىزمەتكەرلەرٸنە قولداۋ كٶرسەتۋ ارقىلى اتاپ ٶتۋدە. ەردايىم وسىلاي بٸر-بٸرٸمٸزگە جاقسىلىق جاساپ, قول ۇشىن سوزساق, كەز كەلگەن سىننان سٷرٸنبەي ٶتەتٸنٸمٸزگە كٷمەن جوق. سوندىقتان ىرىس-ىنتىماعىمىزدان اجىرامايىق.⠀⠀
بارشاڭىزدى قاسيەتتٸ مەرەكەمەن قۇتتىقتاي وتىرىپ, نيەتتەرٸڭٸز قابىل بولسىن دەپ تٸلەيمٸن. ايت مٷبەراك بولسىن!», - دەپ جازدى سەنات تٶراعاسى.
