Búgin Qazaqstan Respýblikasy Parlamenti Palatalarynyń birlesken otyrysynda tiisti zań jobasy qabyldandy.
Otyrystyń basynda Májilis tóraǵasy Nurlan Nyǵmatýlin Senat tóraǵasy Dariǵa Nazarbaevany jańa qyzmetimen quttyqtady.
«QR Konstitýtsiiasyna sáikes, Úkimet Ata zańymyzǵa Astananyń ataýyn ózgertý týraly túzetý engizý úshin respýblikalyq referendým ótkizý jóninde Qazaqstan Respýblikasynyń Prezidentine usynys jasady. Prezident bul usynysty referendýmǵa shyǵarmai, Parlamenttiń qaraýyna jiberý týraly sheshim qabyldady. Bul másele boiynsha Konstitýtsiialyq keńes óziniń oń qorytyndysyn da berdi.
Senattaǵy 43 depýtattyń 43-i kelisti. Májilistegi 103 depýtattyń - 103-i kelisti. Osylaisha, qurmetti áriptester, tarihi sheshim qabyldandy", - dedi Májilis tóraǵasy Nurlan Nyǵmatýlin Palata otyrysynda», - dedi Nurlan Nyǵmatýlin.
Birlesken otyrysta QR Prezidenti Ákimshiligi basshysynyń orynbasary Áliia Raqysheva sóz sóiledi.
«Memleket basshysy Konstitýtsiianyń 91-baby, 2-tarmaǵyna sáikes, Parlamenttiń qaraýyna «QR Konstitýtsiiasyna ózgerister engizý týraly» QR Zań jobasyn usyndy. Bul joba Respýblika astanasynyń ataýyn Astana qalasynan Nursultan qalasyna ózgertýdi kózdeidi. Elimizdiń Konstitýtsiialyq keńesi osy túzetýlerdiń QR Konstitýtsiiasynyń 91-babynyń 2-tarmaǵyna sáikestigi týraly qorytyndy berdi. Baiandalǵandy eskere otyryp, usynylǵan túzetýlerdi qoldaýlaryńyzdy suraimyz», - dedi Áliia Raqysheva.
Zań jobasyn talqylaý barysynda depýtattar Astanaǵa Nursultan ataýyn berý kerektigin aitty. Otyrys sońynda Senat jáne Májilis depýtattary zań jobasyn biraýyzdan qabyldady.
Buǵan deiin Qazaqstan Prezidenti Qasym-Jomart Toqaev Astana ataýyn «Nursultan» dep ózgertýdi usynǵan bolatyn.
