Frantsiia azamattary politsiia qyzmetkerlerin belgili bir jaǵdailarda sýretke jáne videoǵa túsirýge tyiym salatyn zańǵa narazylyq bildirip jatyr. Frantsiia ishki ister ministrliginiń málimetinshe, aktsiiaǵa 133 myńǵa jýyq adam qatysty, dep habarlaidy Deutsche Welle agenttigi.
46 myńǵa jýyq adam Parij kóshelerinde «Álemdik qaýipsizdik týraly» zańnyń qabyldanýyna narazylyq bildirdi.
Demonstranttardyń erekshe narazylyǵyn osy zańnyń 24-baby týǵyzdy. Onyń negizinde eger kadrlardyń taralýy «jekelegen sheneýnikterdiń fizikalyq nemese psihikalyq derbes quqyǵyna qaýip tóndirse», jekelegen politseilerdi sýretke jáne videoǵa túsirý úshin aiyppul qarastyrylǵan.
Eger zań qabyldanǵan jaǵdaida bul quqyq buzýshylyq úshin bir jylǵa túrmege jabý nemese 45 myń eýro aiyppul tóleý jazasy bar.
Frantsiia astanasyndaǵy narazylyq politsiiamen qaqtyǵysqa ulasty. Reuters agenttiginiń habarlaýynsha, tártip saqshylaryna tas pen petarda laqtyrylǵan, birneshe órt oqiǵasy tirkelgen.
Toǵyz adam ustaldy. Frantsiia ishki ister ministri Jeralda Darmanenniń aitýynsha, 37 politsiia men ulttyq jandarmeriia qyzmetkeri jaraqat alǵan.
Narazylyq aktsiiasy Frantsiianyń basqa qalalarynda da ótti. Sonymen, Lillde AFP-tiń habarlaýynsha, kem degende 1500 adam kóshege shyqqan.
Rene men Monpelede, uiymdastyrýshylardyń aitýynsha, narazylyq bildirýshiler sany 10 000-ǵa jetken. Narazylyq sharasyn uiymdastyrýshylar el boiynsha 500 myń adam kóshege shyqty deidi.
Olar Parij aktsiiasyna qatysýshylar sanyn 200 myń dep baǵalady. Frantsiia ishki ister ministrliginiń málimetinshe, Parijde 46 myń adam, al búkil el boiynsha 133 myń adam kóshege shyqqan.
