Parijden soltústik-batysqa qarai ornalasqan Bezon kommýnasyndaǵy himiia zaýytynda órt shyqty. Bilik qorshaǵan ortanyń lastanýyna alańdaýly, dep habarlaidy France Bleu radiosy.
Órt tutanǵan Protec Industrie kompaniiasynyń zaýyty metaldardy óńdeýge mamandanǵan. Onyń kásiporynda adamǵa ziian zattardyń bar ekenin bildiretin Seveso eýropalyq jiktemesi bar.
«Topyraq pen ózendegi sýdyń lastaný qaýpi bar», - dedi kommýna meriniń orynbasary Nikolia Barne.
Sena ózeniniń jaǵasynda ornalasqan nysan ústinen qara tútin býdaqtap shyǵyp jatyr, alaida jalyn sharpyǵan aýmaq kólemi anyqtalmaǵan. Órt sóndirýshiler tilsiz jaýmen kúresýde.
Barneniń aitýynsha, bilik kásiporyn qyzmetkerleri men jaqyn jerdegi aýdandar turǵyndaryn evakýatsiialaý týraly sheshim qabyldaǵan.
Ázirge oqiǵa saldarynan zardap shekkender týraly aqparat túsken joq.
