Sýret: Kazinform
Týrizm jáne sport ministri Ermek Marjyqpaev qazaqstandyq sportshylardyń Parij Olimpiadasyna litsenziia utý qarqyny tym tómen ekenin aitty, dep habarlaidy "Ult aqparat" "QazAqparat" Halyqaralyq agenttigine silteme jasap.
«Parij Olimpiadasy jaqyndap qaldy. Tym bolmaǵanda bir «altynnan» úmit bar ma?» - dep surady jýrnalist.
Ministr bul suraqtyń jaýaby qiyn ekenin aitady.
«Ol jaǵynan aitý óte qiyn. Qazirgi basty bir mindetimiz – litsenziia alý. Ókinishke qarai, búginde 8 sport túrinen 19 litsenziia bar. Bul óte az. Mysaly, Tokio Olimpiadasynyń aldynda bizde 15 sport túrinen 30-dan astam litsenziia bolǵan. Úmittenemiz, áli litsenziia sarapqa salynatyn 70 týrnir bar. Sondyqtan tyrysyp jatyrmyz. Boks, kúres, atý sporty, velosport siiaqty saiys túrlerinen medal bolady dep úmittenemiz», - dedi Ermek Marjyqpaev.
