سۋرەت: Kazinform
تۋريزم جەنە سپورت مينيسترٸ ەرمەك مارجىقپاەۆ قازاقستاندىق سپورتشىلاردىڭ پاريج وليمپياداسىنا ليتسەنزييا ۇتۋ قارقىنى تىم تٶمەن ەكەنٸن ايتتى, دەپ حابارلايدى "ۇلت اقپارات" "قازاقپارات" حالىقارالىق اگەنتتٸگٸنە سٸلتەمە جاساپ.
«پاريج وليمپياداسى جاقىنداپ قالدى. تىم بولماعاندا بٸر «التىننان» ٷمٸت بار ما?» - دەپ سۇرادى جۋرناليست.
مينيستر بۇل سۇراقتىڭ جاۋابى قيىن ەكەنٸن ايتادى.
«ول جاعىنان ايتۋ ٶتە قيىن. قازٸرگٸ باستى بٸر مٸندەتٸمٸز – ليتسەنزييا الۋ. ٶكٸنٸشكە قاراي, بٷگٸندە 8 سپورت تٷرٸنەن 19 ليتسەنزييا بار. بۇل ٶتە از. مىسالى, توكيو وليمپياداسىنىڭ الدىندا بٸزدە 15 سپورت تٷرٸنەن 30-دان استام ليتسەنزييا بولعان. ٷمٸتتەنەمٸز, ەلٸ ليتسەنزييا ساراپقا سالىناتىن 70 تۋرنير بار. سوندىقتان تىرىسىپ جاتىرمىز. بوكس, كٷرەس, اتۋ سپورتى, ۆەلوسپورت سيياقتى سايىس تٷرلەرٸنەن مەدال بولادى دەپ ٷمٸتتەنەمٸز», - دەدٸ ەرمەك مارجىقپاەۆ.
