2024 jylǵy Parij Olimpiadasy jaqyndap qalǵany belgili. Olympic.kz aldaǵy oiyndar týraly 100 derekti nazarlarǵa usynypty, "Ult Aqparat" bólisedi.
1. Parij qalasy Olimpiada oiyndaryn sońǵy 100 jylda alǵash ret qabyldaǵaly otyr. 1924 jyly mahabbat qalasynda jazǵy oiyndar ótkizilip, keiin tek qana qysqy Olimpiada oiyndary uiymdastyryldy.
2. 1900 jyly Parij tarihqa endi. Sol jyly Olimpiada oiyndarynda tuńǵysh ret áielder baq synady.
3. Frantsiiada Olimpiada oiyndary altynshy ret ótkeli otyr.
4. Parij oiyndary sońǵy 12 jylda Eýropada ótetin alǵashqy Olimpiada bolmaq.
5. 2024 jyly alǵash ret breikingten medaldar taratylady. Júldeniń birine Qazaqstan da úmitti bolýy múmkin.
6. Serfing dodasy Frantsiianyń materiktik bóliginde emes, Taiti aralynda ótedi.
7. Parij pen Taiti arasy 15 700 shaqyrymdy quraidy, bul Olimpiada oiyndarynyń rekordy. Buǵan deiin eshbir jarys Olimpiadany qabyldaýshy qaladan sonshalyqty alys ótken emes.
8. Tarihta tuńǵysh ret Olimpiada jáne Paralimpiada oiyndarynyń boitumary birdei bolmaq.
9. Taǵy bir tarihi sát – áýesqoilar arasyndaǵy marafon. Bul jarys olimpiadalyq tas jolda jáne soǵan sai talaptar boiynsha ótedi. Mundaǵy aiyrmashylyq júgirý jarysy ótetin ýaqytta ǵana.
10. Parij jazǵy Olimpiadany úshinshi ret qabyldaityn ekinshi qala. Buǵan deiin London jazǵy oiyndy úsh ret ótkizgen.
11. Frantsiia biligi 2024 jylǵy Olimpiadany ótkizý úshin 8 milliard eýrodan artyq qarajat bólýdi josparlaǵan.
12. 2024 jylǵy Olimpiada oiyndarynyń urany: «Keńinen ashyq Oiyndar».
13. Oiynnyń boitumary - Frigi esimdi frigiialyq qalpaq.
14. Olimpiada oiyndarynyń estafetasy sáýirde bastalyp, Frantsiianyń barlyq departamentteri arqyly ótedi.
15. Alaý Grekiiadan Frantsiiaǵa qaiyq arqyly jetkiziledi.
16. Alaý qutysynyń jobasyn tanymal dizainer Matte Leaner jasap shyǵarǵan.
17. Alaý qutysynyń tómengi bóligi aqqainar tústi bolattan daiyndaldy.
18. Jeńimpazdar men júldegerler taǵatyn medaldiń basty ereksheligi – áigili Eifel munarasynyń bólshegi. Bul barlyq júldede bolady.
19. Parijde alǵash ret Halyqaralyq sporttyq federatsiia jeńimpazdarǵa syiaqy taǵaiyndaidy. Mundai bastamany álemdik jeńil atletika uiymy kóterip otyr. 48 distsiplinanyń birinde jeńiske jetken árbir atlet World Athletics tarapynan 50 myń dollar kóleminde syiaqy alady. Estafetada bul somany komandanyń árbir qatysýshysy ózara bólip alady.
20. Parijde sporttyń 32 túrinen medaldar úlestiriledi.
21. Mundaǵy jańashyl bastamalardyń biri – jeńimpazdar men júldegerlerdiń jeńisti búkil álem jankúierlerimen birge atap ótýi. Sherý Eifel munarasyna jaqyn jerde ótedi.
22. Jarystardy ótkizý úshin 35 sport nysany jumys isteidi.
23. Jazǵy oiyndardy Le-Ivelin, Sena men Marna, O-de-Sen jáne Sena-Sen-Deni departamentteri qabyldaidy. Fýtbol matchtary Bordo, Nant, Lion, Sent-Eten, Nitstsa jáne Marsel qalalarynda ótedi.
24. Jarys baǵdarlamasynan karate, beisbol jáne softbol syndy sport túrleri alynyp qalǵan.
25. Oiyn kezindegi basty stadion «Stad de Frans» bolmaq. Atalǵan stadionda saltanatty rásimder, sondai-aq, jeńil atletika men regbiden jarystar ótkiziledi.
26. Olimpiadanyń ashylýy Sena ózeninde ótedi.
27. Sportshylar sherýi ózen ústinde ótedi. Árbir delegatsiia jekelegen qaiyqpen júzedi.
28. Sportshylar sherýine 10 500 atlet qatysady dep kútilýde.
29. Delegatsiialar júzip ótetin baǵyt alty shaqyrymdy quraidy.
30. Tikelei kórsetilim úlken 80 ekranda kórsetiledi.
31. Sherý kezinde 160-tan astam qaiyq qoldanylady.
32. Sena ózeninen alysyraq jerlerge kórermender tegin kire alady.
33. Ashylý saltanatyn jaqyn mańnan tamashalaý úshin 2,7 myń eýro kóleminde qarajat tóleý kerek.
34. Olimpiadalyq aýylda 8 876 aǵash otyrǵyzyldy.
35. Frantsiiadaǵy Olimpiadaǵa qatysty is-sharalardy jiberip almaý úshin «Oiyn kartasy» iske qosylady. Atalǵan karta 2024 jylǵy jazǵy oiyndardyń resmi saitynda qoljetimdi bolmaq.
36. Olimpiada kezinde qonaqjailylyq paketi aiasynda Clubhouse24 baǵdarlamasy iske qosylady. Týristerdi sporttyq jáne mádeni is-sharalar, úlken ekrandardan jarystardyń tikelei transliatsiiasy, sportshylarmen tildesý sátteri kútip tur.
37. 2024 jylǵy Olimpiada oiyndarynda 200 Clubhouse24 alańqaiy jumys isteidi.
38. Olimpiada kezinde 3000 terrasanyń jumys ýaqyty ulǵaitylady. Bulardy tún ortasyna deiin paidalanýǵa bolady.
39. Afinada Olimpiada alaýyn jaǵý rásimine jańa dini qyzmetker tańdaldy. Bul roldi aktrisa Meri Mina atqarady.
40. Olimpiada alaýy 16 sáýirde jaǵylady.
41. Parijdegi Olimpiada alaýynyń qazany Tiýilri saiabaǵynda ornatylady.
42. Olimpiada oiyndarynyń ashylýy kúni Parijdegi áýe keńistigi jabylady.
43. Olimpiadanyń ótýine bailanysty Parijdegi keibir kópirler jumys istemeidi.
44. Áigili «Rolan Garros» stadiony tennisten olimpiadalyq jarystardy qabyldaidy.
45. Olimpiadalyq aýylda 2500-ge jýyq úiler salyndy.
46. Oiyn kezinde atalǵan aýyl 14 500 atletti syidyra alady.
47. Sportshylar úshin olimpiadalyq aýyl aimaǵynda aýqymdy saiabaq qoljetimdi bolmaq. Saiabaqtyń aýmaǵy úsh gektardan asady.
48. Bilik ókilderine qaýipsizdikti saqtaý úshin jasandy intellekt kómektesedi.
49. Olimpiada oiyndary bastalǵanǵa deiin birshama ýaqyt jaǵalaýda tek qana arnaiy QR-kod arqyly júrýge bolady.
50. Olimpiada oiyndarynyń ashylýy kúni Parij ýaqytymen 13:00-de barlyq qozǵalys qatań baqylaýǵa alynyp, keiin toqtatylady.
51. Parij Olimpiadasyn bir milliard kórermen tamashalaidy dep kútilýde.
52. 2024 jylǵy Olimpiada oiyndarynyń qurmetine narǵyzgúldiń arnaiy sorty engizildi. Gúlder frantsýz baqtarynyń basym bóligine otyrǵyzylady.
53. Jarysqa biletti adam qolynan satyp alýǵa bolmaidy. Resmi túrde sporttyq jarysqa kirý úshin arnaiy saittardy qoldanasyz.
54. Sarapshylar 2024 jylǵy Olimpiada oiyndarynyń jalpy esebinde AQSh top jarady dep boljaýda. Ekinshi orynda - Qytai, úshinshi orynda – Frantsiia.
55. Qazaqstan sapynan Parij Olimpiadasynyń alǵashqy litsenziiasyn nysana kózdeýden Qazaqstan quramasynyń múshesi Islam Sátpaev jeńip aldy.
56. Oiyndy uiymdastyrý isine 44 myń erikti tartylǵan.
57. Bar álemnen 26 myń jýrnalist akkreditatsiia alǵan.
58. Kórermender úshin 13,4 million bilet qoljetimdi.
59. Fýtbol men regbi matchtary Olimpiadanyń ashylý saltanatyna birneshe kún qalǵanda bastalady.
60. Jaz ailarynda metroda júrý baǵasy ózgerip, eki esege deiin kóteriledi.
61. Olimpiada oiyndarynda ekologiiaǵa basty nazar aýdarylǵan.
62. Olimpiadaǵa arnalǵan qurylys nysandarynyń 95 paiyzy ýaqytsha nemese daiyn nysandar bazasynda salynǵan. Bul qorshaǵan ortanyń tazalyǵyn saqtaý maqsatynda jasalýda.
63. Aldaǵy Olimpiadanyń basty ideialarynyń biri – sportqa meiilinshe kóp adam tartý. Osy maqsatta Clubhouse24 aiasynda jankúierler men týristerge arnalǵan jattyǵýlar, sondai-aq, sportshylarmen tildesý múmkindigi qoljetimdi bolady.
64. Olimpiadalyq aýyl 2021 jyldan beri soǵyldy.
65. Olimpiadalyq aýyldy 2024 jylǵy oiyndardyń bastalýyna bes ai qalǵanda ashty.
66. Sportshylar olimpiadalyq aýyl ishinde velosipedtermen jáne táýlik boiy jumys isteitin arnaiy shattldar arqyly júre alady.
67. Aitpaqshy, olimpiadalyq aýyldy Frantsiia prezidenti Emmanýel Makronnyń ózi ashty.
68. Olimpiadalyq aýyldaǵy ashanada kúnine 40 myń taǵam ázirleidi.
69. Parij metrolaryndaǵy mýzykanttar Olimpiada kezinde jumysyn atqarýǵa ruqsat beretin beidj alý úshin arnaiy tyńdalymnan ótti.
70. Parijde 6100 kóshe bar. Onyń eń kishkentaiy 5 metrden sál asady.
71. Ashylý jáne jabylý saltanatynyń kórkemdik jetekshisi – Tomas Djolli.
72. Oiynnyń ashylý saltanaty Sena ózeninde ótse, jabylý saltanaty «Stad de Frans» stadionynda josparlanǵan.
73. Djolli 2022 jyly áigili «Starmaniia» miýziklin, 2023 jyly «Romeo men Djýlettany» qoidy.
74. Jarys nátijeleri men basqa da is-sharalardan habardar bolý úshin Paris2024 arnaiy qosymshasy jumys isteidi. Qosymshany HOK pen Olimpiada oiyndarynyń resmi saittarynan kóshirip alýǵa bolady.
75. Gandbol men sadaq atýdan jarystar Olimpiada ashylýyna birneshe kún qalǵanda bastalady.
76. Alǵashqy júldeler 27 shildede sarapqa salynady.
77. Olimpiadanyń sońǵy jarys kúninde toǵyz sport túriniń ókilderi júldege talasady.
78. Sportshylar 329 júlde jiyntyǵyn sarapqa salady.
79. Boks básekeleri de tennis sekildi «Rolan Garrosta» ótedi.
80. At sporty men qazirgi bessaiys ókilderi áigili Versal saraiyndaǵy baqta synǵa túsedi.
81. Olimpiada qarsańyndaǵy sońǵy litsenziialyq týrnirler 23 maýsymda ótedi.
82. Marafon Parijdegi kóptegen tanymal jerlerde ótedi. Baǵytty tańdaý barysynda uiymdastyrýshylar Versaldaǵy Áielder marshynan shabyt alǵan.
83. Bir qyzyǵy, oiynnyń jabylýyna bir kún qalǵanda erler arasyndaǵy marafon ótedi. Áielder jeńil atletikadan jarys baǵdarlamasyn aiaqtaidy.
84. Olimpiada kezinde bilik ókilderi kóshedegi kitap sórelerin alyp tastaýdy josparlaǵan. Alaida, keiin býkinisterdiń kitap satýyna ruqsat berdi.
85. Qonaqúi nomerleriniń baǵasy úsh esege ósti.
86. Parijde dańqty boksshy Menni Pakiao synǵa túsýi múmkin edi. Alaida, onyń jasy sai kelmeitindikten, HOK kelisim bergen joq.
87. Parij meri Ann Idalgo Olimpiada ashylýynyń aldynda Sena ózeninde shomylýǵa ýáde berdi. El astanasyndaǵy basty ózende shomylýǵa sý sapasynyń nasharlyǵyna bailanysty 100 jyldai ýaqyt buryn tyiym salynǵan. Qazirgi tańda ózen sýy tazalanyp jatyr, sebebi, Olimpiada kezinde triatlondaǵy sýda júzý kezeńi tap osy Senada ótedi.
88. Keibir derekkózder men insaidtarǵa sensek, júzýge Frantsiia prezidentiniń ózi de qatysýdy josparlap otyr.
89. Týristerge jergilikti mádenietpen tanysýǵa kómektesetin kóptegen is-sharalar uiymdastyrylady.
90. Murajailarda Olimpiada oiyndaryna arnalǵan arnaiy kórmeler jumysyn bastaidy.
91. 2024 jylǵy Olimpiada oiyndarynyń jarystary Parijdegi kóptegen tanymal oryndarda ótkiziledi. Máselen, Marsovo alqaby, Úlken sarai, Múgedekter úii, Kelisim alańy, Versal saraiy, «Rolan Garros».
92. «2024 jylǵy oiyn Aýmaǵy» baǵdarlamasyna 1130 elshilik qatysady. Joba shetelde turatyn frantsýz azamattarynyń basyn biriktirip, ár adamǵa Olimpiada rýhyn sezindirýge arnalǵan.
93. Olimpiada oiyndarynyń ashylý saltanaty 26 shildede ótedi.
94. Olimpiadanyń jabylý saltanaty 11 tamyzda ótedi.
95. Parijdegi oiyndar 33-jazǵy Olimpiada sanalady.
96. Jabylý saltanatynda estafetany AQSh-qa joldaidy. 2028 jylǵy jazǵy Olimpiada Los-Andjeleste ótedi.
97. Frantsiia sońǵy 100 jylda Olimpiadany alǵash ótkizetinin aittyq. Per-de-Kýberten Olimpiada oiyndaryn daiyndaǵan sátten bastap ta sonsha ýaqyt ótti.
98. Parijde Olimpiada oiyndarynyń resmi dúkenderi jumysyn bastady. Týrister túrli kádesyilar, kiimder jáne oiynnan estelik bolatyn basqa da aksessýarlar satyp ala alady.
99. Olimpiada medali men qutylardy tasymaldaýǵa arnalǵan keisterdi Louis Vuitton Sán úii daiyndaǵan.
100. Qaýipti adamdardyń sport nysandaryna kirýine jol bermeý úshin mamyr aiynan bastap júrgizýshiler men jaiaý júrginshilerge arnalǵan arnaiy platforma jumys isteidi. Ruqsat etilmegen adamdardyń «qaýipsizdik perimetrindegi» arenalar men kópirlerge kirýine tyiym salynady.
