Búgin Parlament Májilisi «Parij kelisimin ratifikatsiialaý týraly» zań jobasyn talqylaýǵa kiristi. Jumys tobynyń jetekshisi, depýtat Ersultan Beksultanovtyń aitýynsha, búginde klimattyń ózgerýi bir memlekettiń aiasynda qatty baiqalmasa da, álemdik masshtabta onyń áseri aitarlyqtai. Máselen, sońǵy 20 jyldyń ishinde adamzat balasy 200 mln. gektar ormannan aiyryldy. Ondaǵy flora men faýna da joiyldy. Aýa-raiynyń ózgerýinen aýyl sharýashylyǵy salasynda shyǵyndar kóbeidi. Osyǵan bailanysty álem elderi birigip, bárine birdei ekologiialyq talaptardy oryndaýdy mindet etip qoiatyn Parij kelisimin ázirledi. Biyl atalǵan qujatqa birden 175 memleket qol qoidy. Bir kelisimdi osynshama kóp eldiń biraýyzdan qabyldaǵany – buryn sondy bolmaǵan oqiǵa. Sonyń ózi klimattyń ózgerýi salasyndaǵy problemalardyń mańyzdylyǵyn kórsetse kerek. Endigi kezekte, árbir memleket ol qujatty ulttyq zańnamamen bekitip, ratifikatsiialap alýy qajet, dep habarlaidy Ult.kz tilshisi Baq.kz portalyna silteme jasap.
Búgingi otyrys barysynda Parij kelisimin tanystyrǵan QR Energetika vitse-ministri Ǵani Sádibekovtyń aitýynsha, búginde Parij kelisimin 62 el ratifikatsiialady. Olardyń ishinde AQSh, Qytai, Meksika, Ýkraina, Úndistan jáne taǵy basqa memleketter bar. Eýraziialyq ekonomikalyq odaq músheleri ishinde ázirshe tek Belarýs memleketi ǵana ol qujatty ulttyq zańnamamen bekitip aldy.
«Parij kelisimi jahandyq temperatýranyń ortasha ósimin 2 gradýstan asyrmaýdy kózdeidi. Sondai-aq oǵan qosylǵan memleket parniktik gazdardy azaityp, jasyl tehnologiialardy damytýǵa basymdyq berýi tiis. Árbir bes jyl saiyn osy saladaǵy jumys boiynsha álem qaýymdastyǵy aldynda esep berip otyrý qajet. Barlyq mindettemelerdiń zańdy kúshi joq. Onyń bárin erikti túrde oryndaý jaiynda jazylǵan», - deidi Ǵ.Sádibekov.
Vitse-ministrdiń aitýynsha, Parij kelisiminde kórsetilgen maqsat-mindetterge jetý úshin Qazaqstanda tiisti baǵdarlamalar qabyldanǵan. Sonyń ishinde aimaqtardy sýmen qamatamyz etý, ekologiialyq taza otynǵa aýysý jáne taǵy basqa memlekettik baǵdarlamalar bar. Úkimet onyń bárin oidaǵydai atqaryp shyqsa, álem qaýymdastyǵynyń talap-tilekteri oryndalady.
Budan bólek, Parij kelisimi aiasynda damyǵan elder arnaiy qor quryp, sonyń esebinen damýshy memleketterge kómektesetin bolady. Sondai-aq olar jasyl ekonomika salasyndaǵy ozyq tehnologiialarymen bólisedi.
Eskertý!
Baq.kz saitynda jariialanǵan avtorlyq materialdardyń barlyq quqyqtary qorǵalǵan jáne aqparat agenttiginiń menshigi bolyp tabylady. Kóshirip basý redaktsiianyń ruqsatymen júzege asady. Materialdy kóshirip basý kezinde Baq.kz saityna tóte silteme kórsetý talap etiledi.
