Juma, 25 qyrkúiek kúni Parijde Charlie Hebdo satirika jýrnalynyń eski keńsesi mańyndaǵy shabýyldy terror aktisi retinde tergele bastady. Shabýyl kezinde eki adam aýyr jaralandy. Bul týraly Frantsiia ishki ister ministri Jerald Darmanen málimdedi.
Bas kúdikti – Pákistannyń týmasy. Ol oqiǵa mańynan ustaldy. Politsiia sondai-aq kemi tórt adamdy qamaýǵa aldy. Bul týraly BBC habarlady.
Zardap shekken eki adamnyń biri - er, biri - áiel. Olar televiziialyq kompaniiada jumys isteidi. Machete sekildi pyshaqpen jaralanǵan, dedi politsiia ókili.
Frantsiia premer-ministri oqiǵa ornyna (Rishar-Lenýar býlvarynyń mańy) jinalǵan jýrnalisterge zardap shekkenderdiń densaýlyǵyna qaýip tónip turmaǵanyn aitty.
Shabýyl 2015 jyly Charlie Hebdo redaktsiiasyna terakt jasaǵan eki jihadshyǵa kómektesti degen 14 aiyptalýshynyń sot protsesi kezinde jasaldy. Bes jyl burynǵy teraktiniń saldarynan 12 adam qaza tapqan.
- Charlie Hebdo jýrnalyna Muhammed paiǵambar týraly karikýratýrany jariialaǵany úshin júieli túrde qoqan-loqyǵa tap bolady. Jýrnal karikatýrany alǵash ret 2005 jyly jariialady. Odan keiin de birneshe ret jariialaǵan. Eń sońǵysy 2015 jylǵy terakti boiynsha sottyń bastalýyna orai 2020 jyldyń qyrkúieginde boldy.
- Qyrkúiek aiynda toqsannan astam frantsýz basylymy Charlie Hebdo jýrnalyna qoqan-loqy kórsetilýine bailanysty sóz erkindigin qoldaý týraly málimdeme jasady. "Biz qudaiǵa til tigizý erkindigin qorǵai otyryp, qudaiǵa tigizýdi emes, erkindikti qorǵap otyrmyz" delingen ortaq málimdemede.
