Jemqorlyq baby boiynsha aiyptalǵan hanzadalardyń 95%-y qazynadan urlanǵan aqshany sot otyrysy bastalǵanǵa deiin qaitaryp berýge kelisken, dep habarlaidy Baq.kz aqparat agenttigi The New York Times basylymyna silteme jasap.
Murager Muhammed ben Salman Al Saýd jemqorlyq baby boiynsha aiyptalǵan hanzadalardyń isti sotqa jetkizbeýge bekinip otyrǵanyn aitty. Iaǵni hanzadalardyń barlyǵy bostandyqqa qol jetkizý úshin aktivterin qazynaǵa salmaq.
Taq murageriniń aitýynsha, 2015 jyly bilik para alyp júrgen shendilerdi quryqtaý týraly sheshim shyǵarǵan. Nátijesinde 200 adamnyń aty atalǵan tizim qurastyrylǵan.
«Biz olarǵa qolymyzda bar aiǵaqtar men qujattardy kórsettik. Olardyń 95%-y qazynaǵa aqshany qaitarýǵa kelisip otyr», - deidi Muhammed ben Salman Al Saýd.
The New York Times basylymynyń habarlaýynsha, hanzadalardyń 1%-y ózderiniń kinásiz ekenderin dáleldegen. Qalǵan 4%-y kinálaryn moiyndamai otyr. Nátijesinde qazynaǵa 100 mlrd dollar kóleminde aqsha qaitarylǵan.
