جەمقورلىق بابى بويىنشا ايىپتالعان حانزادالاردىڭ 95%-ى قازىنادان ۇرلانعان اقشانى سوت وتىرىسى باستالعانعا دەيٸن قايتارىپ بەرۋگە كەلٸسكەن, دەپ حابارلايدى Baq.kz اقپارات اگەنتتٸگٸ The New York Times باسىلىمىنا سٸلتەمە جاساپ.
مۇراگەر مۇحاممەد بەن سالمان ال ساۋد جەمقورلىق بابى بويىنشا ايىپتالعان حانزادالاردىڭ ٸستٸ سوتقا جەتكٸزبەۋگە بەكٸنٸپ وتىرعانىن ايتتى. ياعني حانزادالاردىڭ بارلىعى بوستاندىققا قول جەتكٸزۋ ٷشٸن اكتيۆتەرٸن قازىناعا سالماق.
تاق مۇراگەرٸنٸڭ ايتۋىنشا, 2015 جىلى بيلٸك پارا الىپ جٷرگەن شەندٸلەردٸ قۇرىقتاۋ تۋرالى شەشٸم شىعارعان. نەتيجەسٸندە 200 ادامنىڭ اتى اتالعان تٸزٸم قۇراستىرىلعان.
«بٸز ولارعا قولىمىزدا بار ايعاقتار مەن قۇجاتتاردى كٶرسەتتٸك. ولاردىڭ 95%-ى قازىناعا اقشانى قايتارۋعا كەلٸسٸپ وتىر», - دەيدٸ مۇحاممەد بەن سالمان ال ساۋد.
The New York Times باسىلىمىنىڭ حابارلاۋىنشا, حانزادالاردىڭ 1%-ى ٶزدەرٸنٸڭ كٸنەسٸز ەكەندەرٸن دەلەلدەگەن. قالعان 4%-ى كٸنەلارىن مويىنداماي وتىر. نەتيجەسٸندە قازىناعا 100 ملرد دوللار كٶلەمٸندە اقشا قايتارىلعان.
