Shańǵy sportynan paralimpiadashy Aleksandr Koliadin antidoping erejelerin buzǵany úshin jarystardan shettetildi, dep habarlaidy "Ult aqparat" Sport.kz saityna silteme jasap.
Qazaqstannyń Dopingige qarsy ulttyq ortalyǵynyń málimetine sáikes, Koliadinnen 2020 jyldyń 9 jeltoqsanynda alynǵan synamadan tyiym salynǵan preparat – meldonii tabyldy. Osy sebepti qazaqstandyq sportshy jarystardan úsh jylǵa – 2021 jyldyń 13 qańtarynan 2024 jyldyń 3 qańtaryna deiin shettetilip otyr.
Aita keteiik, Aleksandr Koliadin - 2018 jyly Phionchhanda ótken Paralimpiada oiyndarynda chempion bolǵan jalǵyz qazaqstandyq sportshy. Ol 1,5 shaqyrymǵa klassikalyq úlgidegi sprintte «altyn» aldy.
