Beijińde Paralimpiada oiyndarynda erler arasynda shańǵymen otyryp jarysatyn saiys ótti, oǵan úsh qazaqstandyq atlet qatysty, dep habarlaidy QazAqparat Sports.kz-ke silteme jasap.
Qytailyq Chjen Pen jeńimpaz atandy, onyń otandasy Mao Chjon Ý «kúmis» júldege ie boldy, úshinshi oryndy kanadalyq sportshy Kollin Kemeron enshiledi.
Qazaqstannan ulttyq quramanyń tý ustaýshysy Erbol Hamitov úzdik nátije kórsetip, jetinshi bolyp keldi ( +6:13.9 qaldy).
Iýrii Berezin men Denis Petrenko sáikesinshe sońǵy bolyp jetti - 24-shi jáne 25-shi oryndar.
Qysqy Paralimpiada oiyndary Beijińde 4 naýryzda bastalǵan, 13 naýryzǵa deiin jalǵasady.
Oǵan 50 elden 700-den astam sportshy qatysyp jatyr.
Qazaqstannan eki sport túrinen - biatlon men shańǵy jarysynan 5 paralimpiada sportshysy saiysqa túsýde.
