Qytai astanasy Beijiń qalasynda ótetin 2022 jylǵy XIII qysqy Paralimpiada oiyndarynyń ashylý saltanaty qazaqstandyq qai telearnadan kórsetiletini belgili boldy, dep habarlaidy QazAqparat.
Dúbirli doda elorda ýaqytymen saǵat 18:00-de bastalady.
Aitýly alamanda Qazaqstan atynan Erbol Hamitov, Aleksandr Gerlits, Denis Petrenko, Iýrii Berezin jáne Sergei Ýsoltsev para shańǵy jáne para biatlon sport túrlerinen el namysyn qorǵaidy.
Saltanatty sharada elimizdiń týyn para shańǵyshy Erbol Hamitov ustap shyǵady. Ol atalǵan sport túrinen álem kýbogynyń qola júldegeri bolǵan. Sondai-aq, ol - halyqaralyq dárejedegi sport sheberi.
Qazaqstan sportshylary Paralimpiada oiyndaryna 1994 jyldan beri turaqty túrde qatysyp keledi. Búgingi kúnge deiin el qorjynyna 1 altyn, 1 kúmis medal tústi.
1994 jyly Lillehammer qalasynda 10 shaqyrymǵa klassikalyq mánerde shańǵy jarysynda qazaqstandyq Liýbov Vorobeva kúmis júldeger atandy.
2018 jyly shańǵymen jarysta Aleksandr Koliadin 1,5 shaqyrymǵa klassikalyq mánerde sprint jarysynda máre syzyǵyn birinshi bolyp qidy.
