Qazaqstandyq sportshylardyń 2020 jylǵy Tokio Paralimpiadasynda medaldar kestesi boiynsha qai oryn alǵany belgili boldy, dep habarlaidy "Ult aqparat".
Taekvondoshy Nyshan Ómiráli el quramasynan sońǵy saiysqa qatysqan sportshynyń biri boldy.
Ol 75 kelide alǵashqy jekpe-jeginde kosta-rikalyq Andres Esteban Molinadan 6:12 esebimen jeńilip qalǵan edi. Degenmen atalǵan qarsylasynyń finalǵa shyǵýyna bailanysty Nyshan jubanysh jekpe-jeginiń shirek finalyna shyqty. Onda marokkolyq Rashid Alaýidi 24:8 esebimen jeńip, qola júldege talasý múmkindigine ie boldy.
Qola júlde úshin saiysta qazaqstandyq sportshy meksikalyq Franisko Pedrosqa 15:18 esebimen ese jiberdi.
Osylaisha el quramasy dúbirli dodada barlyǵy 5 medal alyp, óziniń jańa rekordyn ornatty. Olardyń 1-i altyn, 3-eýi kúmis, 1-i qola medal. Jalpy komandalyq esepte qazaqstandyq sportshylar 51-orynǵa taban tiredi.
