پاراليمپيادا ويىندارى اياقتالدى: قورجىنعا قانشا مەدال تٷستٸ?

قازاقستاندىق سپورتشىلاردىڭ 2020 جىلعى توكيو پاراليمپياداسىندا مەدالدار كەستەسٸ بويىنشا قاي ورىن العانى بەلگٸلٸ بولدى, دەپ حابارلايدى "ۇلت اقپارات".

تاەكۆوندوشى نىشان ٶمٸرەلٸ ەل قۇراماسىنان سوڭعى سايىسقا قاتىسقان سپورتشىنىڭ بٸرٸ بولدى. 

ول 75 كەلٸدە العاشقى جەكپە-جەگٸندە كوستا-ريكالىق اندرەس ەستەبان مولينادان 6:12 ەسەبٸمەن جەڭٸلٸپ قالعان ەدٸ. دەگەنمەن اتالعان قارسىلاسىنىڭ فينالعا شىعۋىنا بايلانىستى نىشان جۇبانىش جەكپە-جەگٸنٸڭ شيرەك فينالىنا شىقتى. وندا ماروككولىق راشيد الاۋيدٸ 24:8 ەسەبٸمەن جەڭٸپ, قولا جٷلدەگە تالاسۋ مٷمكٸندٸگٸنە يە بولدى.

قولا جٷلدە ٷشٸن سايىستا قازاقستاندىق سپورتشى مەكسيكالىق فرانيسكو پەدروسقا 15:18 ەسەبٸمەن ەسە جٸبەردٸ. 

وسىلايشا ەل قۇراماسى دٷبٸرلٸ دودادا بارلىعى 5 مەدال الىپ, ٶزٸنٸڭ جاڭا رەكوردىن ورناتتى. ولاردىڭ 1-ٸ التىن, 3-ەۋٸ كٷمٸس, 1-ٸ قولا مەدال. جالپى كوماندالىق ەسەپتە قازاقستاندىق سپورتشىلار 51-ورىنعا تابان تٸرەدٸ.