Beijińde ótip jatqan qysqy Paralimpiada oiyndarynda shańǵymen otyryp jarysýdan erler arasynda irikteý kezeńi ótti, dep habarlaidy QazAqparat Sports.kz saityna silteme jasap.
Sportshylarǵa baiqaýdyń aqtyq bólimine ótý úshin úzdik 12 qatysýshynyń qatarynan kóriný qajet boldy.
Qazaqstannan startqa tórt sportshy shyqty, biraq olardyń eshbiri kelesi kezeńge óte almady. Erbol Hamitov 15-shi, Iýrii Berezin 30-shy, Denis Petrenko 32-shi, Sergei Ýsoltsev 34-shi orynǵa taban tiredi. Bul sport túri boiynsha jartylai final men final Nur-Sultan ýaqytymen saǵat 10:00-de bastalady.
Esterińizge sala keteiik, keshe Qazaqstan 2022 jylǵy Paralimpiada oiyndarynyń alǵashqy medalin jeńip aldy: Aleksandr Gerlits parabiatlonda qola júldeger atandy.
