Foto: Pexels.com
Biyl 9 qańtarda shartty túrde 5 jylǵa sottalǵan «Almaty Sý» kommýnaldyq kásipornynyń kúrdeli qurylys departamentiniń direktory M. Joldybaevqa qatysty úkim ózgerdi, dep habarlaidy Ult.kz.
Buǵan deiin ol oryndalǵan jumystar aktilerine kedergisiz qol qoiý jáne qalanyń káriz júielerin kúrdeli jóndeý jáne sýmen jabdyqtaý jónindegi jumystardy memlekettik satyp alý sharttary boiynsha biýdjet qarajatyn aýdarý syltaýymen kásipkerden 75 mln teńge jymqyrýǵa oqtalǵany úshin kináli dep tanylyp, 5 jyl merzimge kommertsiialyq jáne qarjy uiymdarynyń basshylyǵymen bailanysty qyzmetpen ainalysýǵa tyiym sala otyryp, shartty túrde 5 jyl bas bostandyǵynan aiyrý túrindegi jaza taǵaiyndalǵan bolatyn.
"Qadaǵalaýshy prokýratýranyń narazylyǵy boiynsha Almaty qalalyq sotynyń sot alqasynyń qaýlysymen birinshi satydaǵy sottyń úkimi ózgertildi. Joldybaevqa 5 jyl merzimge kommertsiialyq jáne qarjy uiymdarynyń basshylyǵymen bailanysty qyzmetpen ainalysý quqyǵynan aiyra otyryp, 5 jyl bas bostandyǵynan aiyrý túrindegi jaza taǵaiyndaldy", - delingen habarlamada.
Sot zalynda sottalǵan adam qamaýǵa alyndy. Úkim zańdy kúshine endi.
