Elimizde karantin jaǵdaiyna bailanysty qazaqstandyq kásipkerlerge qandai kómek kórsetý qajettigi saralandy, dep habarlaidy QazAqparat.
«Pandemiianyń adamzat ómirine tigizgen áseri men saldary bárimizge belgili. Sonyń ishinde biznesti de ainalyp ótpedi. Koronavirýs indeti etek jaiyp, karantin jaǵdaiy engizilgeli biz qazaqstandyq kásipkerlerdiń basty problemasy men usynystaryn aiqyndadyq. Ol aldymen salyq tóleý merzimin shegerý, nesie tóleý merzimin shegerý, kommýnaldyq jáne jalǵa alý tólem merzimin uzartý. Sondai-aq, jumyssyz qalǵan qyzmetkerlerge tólemaqy berý. Odan bólek, otandyq kásipkerler tómen paiyzben qaita qarjylandyrý men nesie berýdi suraidy», - dedi «Atameken» UKP basqarma tóraǵasy Abylai Myrzahmetov OKQ-de onlain ótken baspasóz máslihatynda.
Onyń málimdeýinshe, atyshýly indet odan ári etek jaiǵan jaǵdaida ulttyq palata úkimetpen birlesip kásipkerlerdi qoldaýǵa arnalǵan baǵdarlama ázirleitin bolady.
«Búginde pandemiia saldarynan biznestiń barlyq birdei salasy zardap shekti deýge bolady. Al oiyn-saýyq ortalyqtary men kino jáne banket zaldary áli kúnge deiin jabyq tur. Olardyń jaǵdaiy aitpai-aq túsinikti. Bul salanyń ókilderi qanshama shyǵynǵa tap boldy. Basqasha aitqanda, 1 mln-ǵa jýyq kásipker nemese elimizdiń biznes salasynyń 70% pandemiianyń zardabyn tartty. Ózderińiz biletindei, keshe ótken kásipkerler palatasynyń VII sezinde Prezident naqty tapsyrmalar berdi. Osy oraida biz Ulttyq ekonomika ministrligine biznesti qoldaýǵa qatysty naqty usynystar berdik», - deidi ol.
