ەلٸمٸزدە كارانتين جاعدايىنا بايلانىستى قازاقستاندىق كەسٸپكەرلەرگە قانداي كٶمەك كٶرسەتۋ قاجەتتٸگٸ سارالاندى, دەپ حابارلايدى قازاقپارات.
«پاندەمييانىڭ ادامزات ٶمٸرٸنە تيگٸزگەن ەسەرٸ مەن سالدارى بەرٸمٸزگە بەلگٸلٸ. سونىڭ ٸشٸندە بيزنەستٸ دە اينالىپ ٶتپەدٸ. كوروناۆيرۋس ٸندەتٸ ەتەك جايىپ, كارانتين جاعدايى ەنگٸزٸلگەلٸ بٸز قازاقستاندىق كەسٸپكەرلەردٸڭ باستى پروبلەماسى مەن ۇسىنىستارىن ايقىندادىق. ول الدىمەن سالىق تٶلەۋ مەرزٸمٸن شەگەرۋ, نەسيە تٶلەۋ مەرزٸمٸن شەگەرۋ, كوممۋنالدىق جەنە جالعا الۋ تٶلەم مەرزٸمٸن ۇزارتۋ. سونداي-اق, جۇمىسسىز قالعان قىزمەتكەرلەرگە تٶلەماقى بەرۋ. ودان بٶلەك, وتاندىق كەسٸپكەرلەر تٶمەن پايىزبەن قايتا قارجىلاندىرۋ مەن نەسيە بەرۋدٸ سۇرايدى», - دەدٸ «اتامەكەن» ۇكپ باسقارما تٶراعاسى ابىلاي مىرزاحمەتوۆ وكق-دە ونلاين ٶتكەن باسپاسٶز مەسليحاتىندا.
ونىڭ مەلٸمدەۋٸنشە, اتىشۋلى ٸندەت ودان ەرٸ ەتەك جايعان جاعدايدا ۇلتتىق پالاتا ٷكٸمەتپەن بٸرلەسٸپ كەسٸپكەرلەردٸ قولداۋعا ارنالعان باعدارلاما ەزٸرلەيتٸن بولادى.
«بٷگٸندە پاندەمييا سالدارىنان بيزنەستٸڭ بارلىق بٸردەي سالاسى زارداپ شەكتٸ دەۋگە بولادى. ال ويىن-ساۋىق ورتالىقتارى مەن كينو جەنە بانكەت زالدارى ەلٸ كٷنگە دەيٸن جابىق تۇر. ولاردىڭ جاعدايى ايتپاي-اق تٷسٸنٸكتٸ. بۇل سالانىڭ ٶكٸلدەرٸ قانشاما شىعىنعا تاپ بولدى. باسقاشا ايتقاندا, 1 ملن-عا جۋىق كەسٸپكەر نەمەسە ەلٸمٸزدٸڭ بيزنەس سالاسىنىڭ 70% پاندەمييانىڭ زاردابىن تارتتى. ٶزدەرٸڭٸز بٸلەتٸندەي, كەشە ٶتكەن كەسٸپكەرلەر پالاتاسىنىڭ VII سەزٸندە پرەزيدەنت ناقتى تاپسىرمالار بەردٸ. وسى ورايدا بٸز ۇلتتىق ەكونوميكا مينيسترلٸگٸنە بيزنەستٸ قولداۋعا قاتىستى ناقتى ۇسىنىستار بەردٸك», - دەيدٸ ول.
